3.80

तीक्ष्णं कान्तं तालकं च शुद्धं कृत्वा विमिश्रयेत्

tīkṣṇaṃ kāntaṃ tālakaṃ ca śuddhaṃ kṛtvā vimiśrayet

3.80.2

सूक्ष्मचूर्णं समं सर्वं चूर्णांशं शुद्धपारदम्

sūkṣmacūrṇaṃ samaṃ sarvaṃ cūrṇāṃśaṃ śuddhapāradam

3.81

त्रिदिनं चाम्लवर्गेण मर्दितं चान्धितं धमेत्

tridinaṃ cāmlavargeṇa marditaṃ cāndhitaṃ dhamet

3.81.2

विद्यावागीश्वरी ख्याता गुटिका वत्सरावधि

vidyāvāgīśvarī khyātā guṭikā vatsarāvadhi

3.82

यस्य वक्त्रे स्थिता तस्य जरा मृत्युर्न विद्यते

yasya vaktre sthitā tasya jarā mṛtyurna vidyate

3.82.2

कर्षं ज्योतिष्मतीतैलं क्रामणार्थं पिबेत्सदा

karṣaṃ jyotiṣmatītailaṃ krāmaṇārthaṃ pibetsadā

3.83

वाक्पतिर्जायते धीरो जीवेच् चन्द्रार्कतारकम्

vākpatirjāyate dhīro jīvec candrārkatārakam

3.83.2

कान्तपाषाणमाक्षीकं टङ्कणं कर्कटास्थि च

kāntapāṣāṇamākṣīkaṃ ṭaṅkaṇaṃ karkaṭāsthi ca

3.84

स्नुह्यर्कक्षीरभूनागं सर्वमेतत्समं भवेत्

snuhyarkakṣīrabhūnāgaṃ sarvametatsamaṃ bhavet

3.84.2

स्त्रीस्तन्येन दिनं मर्द्यं तेन मूषां प्रलेपयेत्

strīstanyena dinaṃ mardyaṃ tena mūṣāṃ pralepayet

3.85

तन्मध्ये द्रुतसूतं तु वज्रभस्म समं समम्

tanmadhye drutasūtaṃ tu vajrabhasma samaṃ samam

3.85.2

क्षिप्त्वा रुद्ध्वा पुटे पच्याद्गजाख्ये याममात्रकम्

kṣiptvā ruddhvā puṭe pacyādgajākhye yāmamātrakam

3.86

ततः प्रलिप्तमूषायां क्षिप्त्वा रुद्ध्वा धमेद्धठात्

tataḥ praliptamūṣāyāṃ kṣiptvā ruddhvā dhameddhaṭhāt

3.86.2

एवं पुनः पुनः कार्यं वज्रसूतं मिलत्यलम्

evaṃ punaḥ punaḥ kāryaṃ vajrasūtaṃ milatyalam

3.87

ततस्तस्यैव दातव्यं समं काचं

tatastasyaiva dātavyaṃ samaṃ kācaṃ

3.87.2

एवं मूषाशते देयं तुल्यं तुल्यं धमन् धमन्

evaṃ mūṣāśate deyaṃ tulyaṃ tulyaṃ dhaman dhaman

3.88

तेजःपुञ्जो रसेन्द्रोऽसौ भवेन्

rasendro'sau bhaven mārtaṇḍasaṃnibhaḥ

3.88.2

गुटिका वज्रतुण्डेयं वक्त्रस्था मृत्युनाशिनी

guṭikā vajratuṇḍeyaṃ vaktrasthā mṛtyunāśinī

3.89

वर्षमात्रान् न संदेहो रुद्रतुल्यो भवेन् नरः

varṣamātrān na saṃdeho rudratulyo bhaven naraḥ

3.89.2

तस्य मूत्रपुरीषाभ्यां पूर्ववत्काञ्चनं भवेत्

tasya mūtrapurīṣābhyāṃ pūrvavatkāñcanaṃ bhavet

Rasaratnākara