2.33.2

अष्टधा म्रियते सूतो देयं हिंगु पुटे पुटे

aṣṭadhā mriyate sūto deyaṃ hiṃgu puṭe puṭe

2.34

अपामार्गस्य बीजानि तथैरण्डस्य चूर्णयेत्

apāmārgasya bījāni tathairaṇḍasya cūrṇayet

2.34.2

तच्चूर्णं पारदे देयं मूषायामेव रोधयेत्

taccūrṇaṃ pārade deyaṃ mūṣāyāmeva rodhayet

2.35

रुद्ध्वा लघुपुटे पच्याच्चतुर्भिर्भस्मतां व्रजेत्

ruddhvā laghupuṭe pacyāccaturbhirbhasmatāṃ vrajet

2.35.2

कटुतुम्ब्युद्भवे कन्दे गर्भे नारीपयःसु वै

kaṭutumbyudbhave kande garbhe nārīpayaḥsu vai

2.36

सप्तधा म्रियते सूतः स्वेदयेद् गोमयाग्निना

saptadhā mriyate sūtaḥ svedayed gomayāgninā

2.36.2

अङ्कोलस्य जटातोयैः पिष्ट्वा खल्वे विमर्दयेत्

aṅkolasya jaṭātoyaiḥ piṣṭvā khalve vimardayet

2.37

सूतं गन्धकसंयुक्तं दिनान्ते तं निरोधयेत्

sūtaṃ gandhakasaṃyuktaṃ dinānte taṃ nirodhayet

2.37.2

पुटयेद्भूधरे यन्त्रे दिनान्ते तं समुद्धरेत्

puṭayedbhūdhare yantre dinānte taṃ samuddharet

2.38

धान्याभ्रं सूतकं तुल्यं मर्दयेन्मारकद्रवैः

dhānyābhraṃ sūtakaṃ tulyaṃ mardayenmārakadravaiḥ

2.38.2

दिनैकं तेन कल्केन वस्त्रे लिप्त्वा च वर्तिकाम्

dinaikaṃ tena kalkena vastre liptvā ca vartikām

2.39

विलिप्य तैलैर्वर्तिं ताम् एरण्डोत्थैः पुनः पुनः

vilipya tailairvartiṃ tām eraṇḍotthaiḥ punaḥ punaḥ

2.39.2

प्रज्वाल्य तद्धृतं भाण्डे ग्राहयेत्पतितामधः

prajvālya taddhṛtaṃ bhāṇḍe grāhayetpatitāmadhaḥ

2.40

कृष्णभस्म भवेत्तच्च पुनर्मर्द्यं त्रियामकैः

kṛṣṇabhasma bhavettacca punarmardyaṃ triyāmakaiḥ

2.40.2

दिनैकं तत्पचेद्यन्त्रे कच्छपाख्ये न संशयः

dinaikaṃ tatpacedyantre kacchapākhye na saṃśayaḥ

2.41

मृतः सूतो भवेत्सद्यस्तत्तद्योगेषु योजयेत्

mṛtaḥ sūto bhavetsadyastattadyogeṣu yojayet

2.41.2

द्विपलं शुद्धसूतं तु सूतार्धशुद्धगन्धकम्

dvipalaṃ śuddhasūtaṃ tu sūtārdhaśuddhagandhakam

2.42

मर्दयेन्मारकद्रावैर् दिनमेकं निरन्तरम्

mardayenmārakadrāvair dinamekaṃ nirantaram

2.42.2

बद्ध्वा तु भूधरे यन्त्रे दिनैकं मारयेत् पुटात्

baddhvā tu bhūdhare yantre dinaikaṃ mārayet puṭāt

2.43

तुषदग्धस्य भागौ द्वावेको वल्मीकमृत्तिका

tuṣadagdhasya bhāgau dvāveko valmīkamṛttikā

Rasaratnākara