3.9.2

शुद्धपलैकं तु गवां क्षीरैः पिबेत्सदा

śuddhapalaikaṃ tu gavāṃ kṣīraiḥ pibetsadā

3.10

अनेन त्व् अनुपानेन देहे संक्रमते रसः

anena tv anupānena dehe saṃkramate rasaḥ

3.10.2

समुखं पारदं कान्तं मुण्डलोहाभ्रसत्त्वकम्

samukhaṃ pāradaṃ kāntaṃ muṇḍalohābhrasattvakam

3.11

तत्त्वं मृतं वज्रं सर्वं जम्बीरजैर् द्रवैः

tattvaṃ mṛtaṃ vajraṃ sarvaṃ jambīrajair dravaiḥ

3.11.2

सप्ताहं मर्दयेत् तुल्यं कृत्वा गोलं समुद्धरेत्

saptāhaṃ mardayet tulyaṃ kṛtvā golaṃ samuddharet

3.12

निर्गुण्डी सैन्धवं क्षौद्रं गोजिह्वा काकतुण्डिका

nirguṇḍī saindhavaṃ kṣaudraṃ gojihvā kākatuṇḍikā

3.12.2

पिष्ट्वा तु लेपयेद्गोलं सर्वतो ऽङ्गुलमात्रकम्

piṣṭvā tu lepayedgolaṃ sarvato 'ṅgulamātrakam

3.13

तं रुद्ध्वा वज्रमूषायां पचेद्यामं तु भूधरे

taṃ ruddhvā vajramūṣāyāṃ pacedyāmaṃ tu bhūdhare

3.13.2

लिप्त्वा रुद्ध्वा पुनः पाच्यमित्येवं पक्षमात्रकम्

liptvā ruddhvā punaḥ pācyamityevaṃ pakṣamātrakam

3.14

यवचिञ्चापलाशोत्थराजीकार्पासबीजकैः

yavaciñcāpalāśottharājīkārpāsabījakaiḥ

3.14.2

सुपिष्टैर् लेपयेन्मूषां तन्मध्ये पूर्वगोलकम्

supiṣṭair lepayenmūṣāṃ tanmadhye pūrvagolakam

3.15

टङ्कणं श्वेतकाचं च दत्त्वा पृष्ठे निरुध्य च

ṭaṅkaṇaṃ śvetakācaṃ ca dattvā pṛṣṭhe nirudhya ca

3.15.2

खदिराङ्गारयोगेन धमेद् यावद् द्रुतं भवेत्

khadirāṅgārayogena dhamed yāvad drutaṃ bhavet

3.16

ततस्तं विडलिप्तायां मूषायां च निवेशयेत्

tatastaṃ viḍaliptāyāṃ mūṣāyāṃ ca niveśayet

3.16.2

तत्तुल्यं दापयेत्स्वर्णं जयेत्तं धमन् धमन्

tattulyaṃ dāpayetsvarṇaṃ jayettaṃ dhaman dhaman

3.17

जीर्णे स्वर्णे समुद्धृत्य तप्तखल्वे विमर्दयेत्

jīrṇe svarṇe samuddhṛtya taptakhalve vimardayet

3.17.2

त्र्यहं दिव्यौषधिद्रावैर् वज्रमूषान्धितं धमेत्

tryahaṃ divyauṣadhidrāvair vajramūṣāndhitaṃ dhamet

3.18

जायते गुटिका दिव्या नाम्ना वज्रेश्वरी परा

jāyate guṭikā divyā nāmnā vajreśvarī parā

3.18.2

वक्त्रस्था सा जरां मृत्युं हन्ति संवत्सरात्किल

vaktrasthā sā jarāṃ mṛtyuṃ hanti saṃvatsarātkila

3.19

शस्त्रस्तम्भं च कुरुते ब्रह्मायुर् यच्छति ध्रुवम्

śastrastambhaṃ ca kurute brahmāyur yacchati dhruvam

Rasaratnākara