2.23.2

तदुद्धृत्य पुनर्मर्द्यं वज्रमूषान्तरे क्षिपेत्

taduddhṛtya punarmardyaṃ vajramūṣāntare kṣipet

2.24

भूधराख्ये पुटे पच्याद्दशधा भस्मतां व्रजेत्

bhūdharākhye puṭe pacyāddaśadhā bhasmatāṃ vrajet

2.24.2

द्रवैर्द्रवैः पुनर्मर्द्यं सिद्धोऽयं वज्रसूतकः

dravairdravaiḥ punarmardyaṃ siddho'yaṃ vajrasūtakaḥ

2.25

मूलिकामारितः सूतो जारणक्रमवर्जितः

mūlikāmāritaḥ sūto jāraṇakramavarjitaḥ

2.25.2

न क्रमेद्देहलोहाभ्यां रोगहर्ता भवेद्ध्रुवम्

na krameddehalohābhyāṃ rogahartā bhaveddhruvam

2.26

रसं गन्धकतैलेन द्विगुणेन विमर्दयेत्

rasaṃ gandhakatailena dviguṇena vimardayet

2.26.2

दिनैकं वाथ सर्पाक्षीविष्णुक्रान्ताह्वभृङ्गजैः

dinaikaṃ vātha sarpākṣīviṣṇukrāntāhvabhṛṅgajaiḥ

2.27

त्र्यहं विमर्दयेद् द्रावैस् त्रिंशद्धट्टमहापुटे

tryahaṃ vimardayed drāvais triṃśaddhaṭṭamahāpuṭe

2.27.2

इत्येवमष्टधा पाच्यं रसो भस्मीभवेद् ध्रुवम्

ityevamaṣṭadhā pācyaṃ raso bhasmībhaved dhruvam

2.28

श्वेताङ्कोटजटावारि सूतं मर्द्यं दिनत्रयम्

śvetāṅkoṭajaṭāvāri sūtaṃ mardyaṃ dinatrayam

2.28.2

पुटयेद्भूधरे यन्त्रे मूषायां भस्मतां व्रजेत्

puṭayedbhūdhare yantre mūṣāyāṃ bhasmatāṃ vrajet

2.29

देवदालीं हरिक्रान्तामारनालेन पेषयेत्

devadālīṃ harikrāntāmāranālena peṣayet

2.29.2

सप्तधा सूतकं तेन कुर्याद्धमनम् उत्थितम्

saptadhā sūtakaṃ tena kuryāddhamanam utthitam

2.30

तं सूतं खर्परे कुर्याद्दत्त्वा दत्त्वा चतुर्द्रवम्

taṃ sūtaṃ kharpare kuryāddattvā dattvā caturdravam

2.30.2

चुल्ल्योपरि पचेद् वह्नौ भस्म स्यादरुणोपमम्

cullyopari paced vahnau bhasma syādaruṇopamam

2.31

काष्ठोदुम्बरजैः क्षीरैः सितां हिंगु विभावयेत्

kāṣṭhodumbarajaiḥ kṣīraiḥ sitāṃ hiṃgu vibhāvayet

2.31.2

सप्तवारं प्रयत्नेन शोध्यं पेष्यं पुनः पुनः

saptavāraṃ prayatnena śodhyaṃ peṣyaṃ punaḥ punaḥ

2.32

काष्ठोदुम्बरपञ्चाङ्गैः कषायं षोडशांशकम्

kāṣṭhodumbarapañcāṅgaiḥ kaṣāyaṃ ṣoḍaśāṃśakam

2.32.2

दत्त्वा तेन पुनर् मर्द्यं हिंगु वङ्गरसेश्वरम्

dattvā tena punar mardyaṃ hiṃgu vaṅgaraseśvaram

2.33

क्षिप्त्वा निरुध्य मूषायां भूधराख्ये पुटे पचेत्

kṣiptvā nirudhya mūṣāyāṃ bhūdharākhye puṭe pacet

Rasaratnākara