2.4.2

खल्वं लोहमयं वाथ पाषाणाश्ममथापि वा

khalvaṃ lohamayaṃ vātha pāṣāṇāśmamathāpi vā

2.5

काञ्जिकैः क्षालयेत्सूतं नागदोषस्य शान्तये

kāñjikaiḥ kṣālayetsūtaṃ nāgadoṣasya śāntaye

2.5.2

विशालाङ्कोलचूर्णेन वङ्गदोषं विनाशयेत्

viśālāṅkolacūrṇena vaṅgadoṣaṃ vināśayet

2.6

राजवृक्षो मलं हन्ति चित्रकं हन्ति वह्निजम्

rājavṛkṣo malaṃ hanti citrakaṃ hanti vahnijam

2.6.2

चाञ्चल्यं कृष्णधत्तूरैस्त्रैफलैर्विषनाशनम्

cāñcalyaṃ kṛṣṇadhattūraistraiphalairviṣanāśanam

2.7

कटुत्रयं गिरिं हन्ति असह्याग्निं त्रिकण्टकः

kaṭutrayaṃ giriṃ hanti asahyāgniṃ trikaṇṭakaḥ

2.7.2

प्रतिदोषं कलांशेन तत्र चूर्णं सकन्यकम्

pratidoṣaṃ kalāṃśena tatra cūrṇaṃ sakanyakam

2.8

सुवस्त्रगालितं सूतं खल्वे क्षिप्त्वा यथाक्रमम्

suvastragālitaṃ sūtaṃ khalve kṣiptvā yathākramam

2.8.2

प्रत्येकं प्रत्यहं यत्नात्सप्तरात्रं विमर्दयेत्

pratyekaṃ pratyahaṃ yatnātsaptarātraṃ vimardayet

2.9

उद्धृत्योष्णारनालेन मृद्भाण्डे क्षालयेत्सुधीः

uddhṛtyoṣṇāranālena mṛdbhāṇḍe kṣālayetsudhīḥ

2.9.2

सर्वदोषविनिर्मुक्तः सप्तकञ्चुकवर्जितः

sarvadoṣavinirmuktaḥ saptakañcukavarjitaḥ

2.10

जायते शुद्धः सूतोऽयं युज्यते वैद्यकर्मणि

jāyate śuddhaḥ sūto'yaṃ yujyate vaidyakarmaṇi

2.10.2

अजाशकृत्तुषाग्निं च ज्वालयित्वा भुवि क्षिपेत्

ajāśakṛttuṣāgniṃ ca jvālayitvā bhuvi kṣipet

2.10.3

तस्योपरि स्थितं खल्वं तत्रोक्तं मर्दयेद्रसम्

tasyopari sthitaṃ khalvaṃ tatroktaṃ mardayedrasam

2.11

श्रीखण्डं देवदारु च काकतुण्डीं जयाद्रवैः

śrīkhaṇḍaṃ devadāru ca kākatuṇḍīṃ jayādravaiḥ

2.11.2

कर्कोटीमूषलीकन्याद्रवे दत्त्वा विमर्दयेत्

karkoṭīmūṣalīkanyādrave dattvā vimardayet

2.11.3

दिनैकं पातनायन्त्रे शुद्धं च विनियोजयेत्

dinaikaṃ pātanāyantre śuddhaṃ ca viniyojayet

2.12

कुमार्याश्च निशाचूर्णे दिनं सूतं विमर्दयेत्

kumāryāśca niśācūrṇe dinaṃ sūtaṃ vimardayet

2.12.2

पातयेत् पातनायन्त्रे सम्यक् शुद्धो भवेद्रसः

pātayet pātanāyantre samyak śuddho bhavedrasaḥ

2.13

पारिभद्ररसैः पेष्यं हिंगुलं याममात्रकम्

pāribhadrarasaiḥ peṣyaṃ hiṃgulaṃ yāmamātrakam

Rasaratnākara