8.97

पिष्ट्वा तत्पिण्डमध्ये तु वङ्गपत्राणि लेपयेत्

piṣṭvā tatpiṇḍamadhye tu vaṅgapatrāṇi lepayet

8.97.2

शिरीषरजनीचूर्णैः कुमार्याः शुभगोलकम्

śirīṣarajanīcūrṇaiḥ kumāryāḥ śubhagolakam

8.98

सूतलिप्तं वङ्गपत्रं गोलके समलेपितम्

sūtaliptaṃ vaṅgapatraṃ golake samalepitam

8.98.2

रुद्ध्वा गजपुटे पक्वं पूर्वसंख्या मृतो भवेत्

ruddhvā gajapuṭe pakvaṃ pūrvasaṃkhyā mṛto bhavet

8.99

अक्षभल्लातकं तोयैः पिष्ट्वा तानि विलेपयेत्

akṣabhallātakaṃ toyaiḥ piṣṭvā tāni vilepayet

8.99.2

ततस्तिलखली मध्ये क्षिप्त्वा रुद्ध्वा पुटे पचेत्

tatastilakhalī madhye kṣiptvā ruddhvā puṭe pacet

8.100

गजाख्ये जायते भस्म चत्वारिंशतिवङ्गकम्

gajākhye jāyate bhasma catvāriṃśativaṅgakam

8.100.2

सतिक्तलवणं वङ्गं पाण्डुघ्नं क्रिमिमेहजित्

satiktalavaṇaṃ vaṅgaṃ pāṇḍughnaṃ krimimehajit

8.101

लेखिनं पित्तलं किंचित् सर्वदेहामयापहम्

lekhinaṃ pittalaṃ kiṃcit sarvadehāmayāpaham

9.1

अशुद्धममृतं लौहम् आयुर्हानिरुजाकरम्

aśuddhamamṛtaṃ lauham āyurhānirujākaram

9.1.2

हृत्पीडां च तृषां जाड्यं तस्माच्छुद्धं च मारयेत्

hṛtpīḍāṃ ca tṛṣāṃ jāḍyaṃ tasmācchuddhaṃ ca mārayet

9.2

पात्रे यस्मिन्प्रसरति न चेत्तैलबिन्दुर्विसृष्टः

pātre yasminprasarati na cettailabindurvisṛṣṭaḥ

9.2.2

हिङ्गुर् गन्धं प्रसरति निजं तिक्ततां निम्बुकश्च

hiṅgur gandhaṃ prasarati nijaṃ tiktatāṃ nimbukaśca

9.2.3

पाके दग्धं भवति शिखराकारता नैव भूमौ

pāke dagdhaṃ bhavati śikharākāratā naiva bhūmau

9.2.4

कान्तं लौहं तदिदमुदितं लक्षणोक्तं न चान्यत्

kāntaṃ lauhaṃ tadidamuditaṃ lakṣaṇoktaṃ na cānyat

9.3

कान्तं मृदुतरं तारं रुक्माभं तिमिरं करम्

kāntaṃ mṛdutaraṃ tāraṃ rukmābhaṃ timiraṃ karam

9.3.2

स्वादुर्यतो भवेन्निम्बकल्को रात्रिनिवेशितः

svāduryato bhavennimbakalko rātriniveśitaḥ

9.4

कान्तं तदुत्तमं यच्च रूप्येनावर्तितं मिलेत्

kāntaṃ taduttamaṃ yacca rūpyenāvartitaṃ milet

9.4.2

सर्वरोगहरम् एतत् सर्वकुष्ठहरं परम्

sarvarogaharam etat sarvakuṣṭhaharaṃ param

9.5

शशछागरक्तसंलिप्तं त्रिवारं चाग्नितापितम्

śaśachāgaraktasaṃliptaṃ trivāraṃ cāgnitāpitam

Rasaratnākara