8.47

स्नुह्यर्कक्षीरलवणकाञ्जिकैस् ताम्रपत्रकम् लिप्त्वा

snuhyarkakṣīralavaṇakāñjikais tāmrapatrakam liptvā

8.47.2

प्रताप्यं निर्गुण्डीरसैः सिञ्च्यात्पुनः पुनः

pratāpyaṃ nirguṇḍīrasaiḥ siñcyātpunaḥ punaḥ

8.48

वारद्वादशदाहत्वं लेपनात्ताम्रसिञ्चनात्

vāradvādaśadāhatvaṃ lepanāttāmrasiñcanāt

8.48.2

खटिका लवणं तक्रैर् आरनालैश्च पेषयेत्

khaṭikā lavaṇaṃ takrair āranālaiśca peṣayet

8.49

तेन लिप्त्वा ताम्रपत्रं तप्तं तप्तं निषेचयेत्

tena liptvā tāmrapatraṃ taptaṃ taptaṃ niṣecayet

8.49.2

षड्वारम् अम्लपिष्टेन निर्गुण्ड्यास्तु विशुद्धये

ṣaḍvāram amlapiṣṭena nirguṇḍyāstu viśuddhaye

8.50

गोमूत्रेण पचेत्ताम्रपत्रं यामं दृढाग्निना

gomūtreṇa pacettāmrapatraṃ yāmaṃ dṛḍhāgninā

8.50.2

शुध्यते नात्र सन्देहो मारणं कथ्यतेऽधुना

śudhyate nātra sandeho māraṇaṃ kathyate'dhunā

8.51

गन्धेन ताम्रतुल्येन ह्यम्लपिष्टेन लेपयेत्

gandhena tāmratulyena hyamlapiṣṭena lepayet

8.51.2

कण्टकवेधीकृतं पत्रं सिद्धयित्वा पुटे

kaṇṭakavedhīkṛtaṃ patraṃ siddhayitvā puṭe

8.52

उद्धृत्य चूर्णयेत् तस्मिन् पादांशं गन्धकं क्षिपेत्

uddhṛtya cūrṇayet tasmin pādāṃśaṃ gandhakaṃ kṣipet

8.52.2

जम्बीरैरारनालैर्वा मृगदूर्वाद्रवैस्तथा

jambīrairāranālairvā mṛgadūrvādravaistathā

8.53

पिष्ट्वा पिष्ट्वा पचेत्तद्वत् सगन्धं च चतुष्पुटे

piṣṭvā piṣṭvā pacettadvat sagandhaṃ ca catuṣpuṭe

8.53.2

मातुलङ्गरसैः पिष्ट्वा पुटमेकं प्रदापयेत्

mātulaṅgarasaiḥ piṣṭvā puṭamekaṃ pradāpayet

8.54

अनेनैव विधानेन ताम्रभस्म भवेद्ध्रुवम्

anenaiva vidhānena tāmrabhasma bhaveddhruvam

8.54.2

ताम्रस्य द्विगुणं सूतं जम्बीराम्लेन मर्दयेत्

tāmrasya dviguṇaṃ sūtaṃ jambīrāmlena mardayet

8.55

सितशर्करयाप्येवं पुटत्रये मृतं भवेत्

sitaśarkarayāpyevaṃ puṭatraye mṛtaṃ bhavet

8.55.2

पाषाणभेदीमत्स्याक्षीद्रवैर्द्विगुणगन्धकैः

pāṣāṇabhedīmatsyākṣīdravairdviguṇagandhakaiḥ

8.56

ताम्रस्य लेपयेत्पत्रं रुद्ध्वा गजपुटे पचेत्

tāmrasya lepayetpatraṃ ruddhvā gajapuṭe pacet

8.56.2

सप्तांशेन पुनर्दग्धं दत्त्वा द्रावैश्च पेषयेत्

saptāṃśena punardagdhaṃ dattvā drāvaiśca peṣayet

Rasaratnākara