9.5.2

स्त्रीस्तन्यं कर्कटास्थीनि शिलाजतु समं समम्

strīstanyaṃ karkaṭāsthīni śilājatu samaṃ samam

9.5.3

पिष्ट्वा मूषां प्रलेपेन वज्रद्वन्द्वेषु मेलकम्

piṣṭvā mūṣāṃ pralepena vajradvandveṣu melakam

9.6

भ्रमरास्थिनृकेशांश्च टंकणं कांतजं मुखम्

bhramarāsthinṛkeśāṃśca ṭaṃkaṇaṃ kāṃtajaṃ mukham

9.6.2

बालवत्सपुरीषं च स्त्रीस्तन्येन तु पेषयेत्

bālavatsapurīṣaṃ ca strīstanyena tu peṣayet

9.6.3

तत्कल्कलिप्तमूषायां वज्रद्वंद्वं मिलत्यलम्

tatkalkaliptamūṣāyāṃ vajradvaṃdvaṃ milatyalam

9.7

भूनागं कांतपाषाणं माक्षिकं टंकणं मधु

bhūnāgaṃ kāṃtapāṣāṇaṃ mākṣikaṃ ṭaṃkaṇaṃ madhu

9.7.2

स्नुक्पयःकर्कटास्थीनि काचमर्कपयः समम्

snukpayaḥkarkaṭāsthīni kācamarkapayaḥ samam

9.8

स्त्रीस्तन्यैः पेषितं सर्वं मूषालेपं तु कारयेत्

strīstanyaiḥ peṣitaṃ sarvaṃ mūṣālepaṃ tu kārayet

9.8.2

तन्मध्यस्थं वज्रसूतं हठाद्ध्माते मिलत्यलम्

tanmadhyasthaṃ vajrasūtaṃ haṭhāddhmāte milatyalam

9.9

मृतवज्रस्य चत्वारो भागा द्वादशहाटकम्

mṛtavajrasya catvāro bhāgā dvādaśahāṭakam

9.9.2

नागस्य च त्रयो भागाः षट् शुद्धस्य च पारदात्

nāgasya ca trayo bhāgāḥ ṣaṭ śuddhasya ca pāradāt

9.10

एकीकृत्य तु तन्मर्द्यं दिनमम्लेन केनचित्

ekīkṛtya tu tanmardyaṃ dinamamlena kenacit

9.10.2

तप्तखल्वे तु तत्कल्कं समुद्धृत्य निरोधयेत्

taptakhalve tu tatkalkaṃ samuddhṛtya nirodhayet

9.11

मूषायां द्वन्द्वलिप्तायां हठाद्ध्माते मिलत्यलम्

mūṣāyāṃ dvandvaliptāyāṃ haṭhāddhmāte milatyalam

9.12

क्षारैरुत्पलसारिण्या मृतं वज्रं विभावयेत्

kṣārairutpalasāriṇyā mṛtaṃ vajraṃ vibhāvayet

9.12.2

दिनैकं शोधितं पिष्टम् एकैकां कारयेद्वटीम्

dinaikaṃ śodhitaṃ piṣṭam ekaikāṃ kārayedvaṭīm

9.13

त्रिभागं पारदं चैव भागाश्चत्वारि हाटकम्

tribhāgaṃ pāradaṃ caiva bhāgāścatvāri hāṭakam

9.13.2

अम्लेन कारयेत्पिष्टीं तद्गर्भे तां क्षिपेद्वटीम्

amlena kārayetpiṣṭīṃ tadgarbhe tāṃ kṣipedvaṭīm

9.14

भूर्जपत्रेण तद्बद्ध्वा धान्यराशौ विनिक्षिपेत्

bhūrjapatreṇa tadbaddhvā dhānyarāśau vinikṣipet

9.14.2

पक्षमात्रात्समुद्धृत्य पूर्वमूषागतं धमेत्

pakṣamātrātsamuddhṛtya pūrvamūṣāgataṃ dhamet

Rasaratnākara