5.48.2

भस्मीभूतं च वैक्रान्तं वज्रस्थाने नियोजयेत्

bhasmībhūtaṃ ca vaikrāntaṃ vajrasthāne niyojayet

6.1

अशुद्धाभ्रं निहन्त्यायुर् वर्धयेन्मारुतं कफम्

aśuddhābhraṃ nihantyāyur vardhayenmārutaṃ kapham

6.1.2

अहतं छेदयेद्देहं मन्दाग्निक्रिमिदायकम्

ahataṃ chedayeddehaṃ mandāgnikrimidāyakam

6.2

कृष्णं पीतं सितं रक्तं योज्यं योगे रसायने

kṛṣṇaṃ pītaṃ sitaṃ raktaṃ yojyaṃ yoge rasāyane

6.2.2

पिनाकं दर्दुरं नागं वज्रं चेति चतुर्विधम्

pinākaṃ darduraṃ nāgaṃ vajraṃ ceti caturvidham

6.3

पिनाकाद्यास्त्रयो वर्ज्या वज्रं यत्नात्समाहरेत्

pinākādyāstrayo varjyā vajraṃ yatnātsamāharet

6.3.2

मुञ्चत्यग्नौ विनिक्षिप्ते पिनाको दलसंचयम्

muñcatyagnau vinikṣipte pināko dalasaṃcayam

6.4

अज्ञानाद्भक्षणं तस्य महाकुष्ठप्रदायकम्

ajñānādbhakṣaṇaṃ tasya mahākuṣṭhapradāyakam

6.4.2

दर्दुरो निहितो ह्यग्नौ कुरुते दर्दुरध्वनिम्

darduro nihito hyagnau kurute darduradhvanim

6.5

नागश्चाग्निगतः शब्दं फूत्कारं च विमुञ्चति

nāgaścāgnigataḥ śabdaṃ phūtkāraṃ ca vimuñcati

6.5.2

स च देहगतो नित्यं व्याधिं कुर्याद्भगन्दरम्

sa ca dehagato nityaṃ vyādhiṃ kuryādbhagandaram

6.6

वज्राभ्रकं वह्निसंस्थं न किंचिद् विकृतिं व्रजेत्

vajrābhrakaṃ vahnisaṃsthaṃ na kiṃcid vikṛtiṃ vrajet

6.6.2

तस्माद्वज्राभ्रकं योज्यं व्याधिवार्द्धक्यमृत्युजित्

tasmādvajrābhrakaṃ yojyaṃ vyādhivārddhakyamṛtyujit

6.7

धमेद्वज्राभ्रकं वह्नौ ततः क्षीरे निषेचयेत्

dhamedvajrābhrakaṃ vahnau tataḥ kṣīre niṣecayet

6.7.2

भिन्नपत्रं तु तं ज्ञात्वा मेघनादद्रवाम्लयोः

bhinnapatraṃ tu taṃ jñātvā meghanādadravāmlayoḥ

6.8

भावयेदष्टयामं तद्धान्याभ्रं कारयेत्सुधीः

bhāvayedaṣṭayāmaṃ taddhānyābhraṃ kārayetsudhīḥ

6.8.2

अथवाभ्रस्य भागौ द्वौ टङ्कश्चैकं जलैः सह

athavābhrasya bhāgau dvau ṭaṅkaścaikaṃ jalaiḥ saha

6.9

द्विदिनं स्थापयेत्पात्रे सूक्ष्मं कृत्वा प्रपेषयेत्

dvidinaṃ sthāpayetpātre sūkṣmaṃ kṛtvā prapeṣayet

6.9.2

बद्ध्वा धान्ययुतं वस्त्रे मर्दयेत्काञ्जिकैः सह

baddhvā dhānyayutaṃ vastre mardayetkāñjikaiḥ saha

6.10

अधो यद्गालितं सूक्ष्मं शुद्धं धान्याभ्रकं भवेत्

adho yadgālitaṃ sūkṣmaṃ śuddhaṃ dhānyābhrakaṃ bhavet

Rasaratnākara