8.90.2

पिष्ट्वा तत्कल्कमध्ये तु तप्तं तप्तं निषिञ्चयेत्

piṣṭvā tatkalkamadhye tu taptaṃ taptaṃ niṣiñcayet

8.91

शुल्बपत्रं भवेद्यावज्जीर्णं तच्च समुद्धरेत्

śulbapatraṃ bhavedyāvajjīrṇaṃ tacca samuddharet

8.91.2

मध्वाज्यटंकणैः सार्धं मूषामध्ये गतं धमेत्

madhvājyaṭaṃkaṇaiḥ sārdhaṃ mūṣāmadhye gataṃ dhamet

8.92

तारार्धेन समावर्त्य शुद्धं तारं भवेत्तु तत्

tārārdhena samāvartya śuddhaṃ tāraṃ bhavettu tat

8.93

अर्कापामार्गकदलीक्षारमम्लेन लोलितम्

arkāpāmārgakadalīkṣāramamlena lolitam

8.93.2

तेन लिप्तं ताम्रपत्रं धाम्यं मूषागतं पुनः

tena liptaṃ tāmrapatraṃ dhāmyaṃ mūṣāgataṃ punaḥ

8.94

पत्रं कृत्वा प्रलिप्याथ तद्वद् धाम्यं पुनः पुनः

patraṃ kṛtvā pralipyātha tadvad dhāmyaṃ punaḥ punaḥ

8.94.2

इत्येवं सप्तधा कुर्यात् वादे स्याद्दलयोग्यकम्

ityevaṃ saptadhā kuryāt vāde syāddalayogyakam

8.95

अथवा ताम्रपत्राणि सुतप्तानि निषेचयेत्

athavā tāmrapatrāṇi sutaptāni niṣecayet

8.95.2

लोणारनालमध्ये तु शतधा पूर्ववद्भवेत्

loṇāranālamadhye tu śatadhā pūrvavadbhavet

8.96

पलाशमूलजं क्षारं फट्किरी चाम्लपेषितम्

palāśamūlajaṃ kṣāraṃ phaṭkirī cāmlapeṣitam

8.96.2

ताम्रपत्राणि संलिप्य द्रावयेत्पत्त्रयेत्पुनः

tāmrapatrāṇi saṃlipya drāvayetpattrayetpunaḥ

8.97

इत्येवं सप्तधा कुर्याद्दलयोग्यं भवेत्तु तत्

ityevaṃ saptadhā kuryāddalayogyaṃ bhavettu tat

8.98

सुशुद्धं तालकं सूतं सामुद्रलवणं समम्

suśuddhaṃ tālakaṃ sūtaṃ sāmudralavaṇaṃ samam

8.98.2

द्वियामं मर्दयेत्खल्वे नवभाण्डगतं पचेत्

dviyāmaṃ mardayetkhalve navabhāṇḍagataṃ pacet

8.99

मन्दाग्नौ चालयेत्तावद्यावत्कृष्टिर्भवेत्तु तत्

mandāgnau cālayettāvadyāvatkṛṣṭirbhavettu tat

8.99.2

ततः समुद्रलवणं तालांशं मर्दयेत्पृथक्

tataḥ samudralavaṇaṃ tālāṃśaṃ mardayetpṛthak

8.100

यावच्चिटचिटीशब्दो निवर्तेत समाहरेत्

yāvacciṭaciṭīśabdo nivarteta samāharet

8.100.2

चूर्णितं मृण्मये यन्त्रे लवणार्धमथो क्षिपेत्

cūrṇitaṃ mṛṇmaye yantre lavaṇārdhamatho kṣipet

8.101

तत्पृष्ठे पूर्वत्रितयं तन्मध्ये लवणार्धकम्

tatpṛṣṭhe pūrvatritayaṃ tanmadhye lavaṇārdhakam

Rasaratnākara