8.81

तद्वटीः काचकूप्यान्तः क्षिप्त्वा कूपीं मृदा लिपेत्

tadvaṭīḥ kācakūpyāntaḥ kṣiptvā kūpīṃ mṛdā lipet

8.81.2

सच्छिद्रवालुकायन्त्रे हण्डीं मन्दाग्निना पचेत्

sacchidravālukāyantre haṇḍīṃ mandāgninā pacet

8.82

शुष्के द्रावे मुखं रुद्ध्वा शनैर्यामाष्टकं पचेत्

śuṣke drāve mukhaṃ ruddhvā śanairyāmāṣṭakaṃ pacet

8.82.2

स्वाङ्गशीतं समुद्धृत्य द्रुतं शुल्बं तु वेधयेत्

svāṅgaśītaṃ samuddhṛtya drutaṃ śulbaṃ tu vedhayet

8.82.3

चतुःषष्टितमांशेन तारं भवति शोभनम्

catuḥṣaṣṭitamāṃśena tāraṃ bhavati śobhanam

8.83

पलं सूतं पलं तालं तालस्थानेऽथवा शिला

palaṃ sūtaṃ palaṃ tālaṃ tālasthāne'thavā śilā

8.83.2

कृष्णोन्मत्तद्रवैर्मर्द्यं त्रिदिनान्ते समुद्धरेत्

kṛṣṇonmattadravairmardyaṃ tridinānte samuddharet

8.84

वज्रमूषागतं रुद्ध्वा चक्रयन्त्रे दिनं पचेत्

vajramūṣāgataṃ ruddhvā cakrayantre dinaṃ pacet

8.84.2

पुनर्मर्द्यं पुनः पाच्यमेवं सप्तविधे कृते

punarmardyaṃ punaḥ pācyamevaṃ saptavidhe kṛte

8.85

तन्मृतं वङ्गतारार्कैः क्रमेणावेष्टयेत्समैः

tanmṛtaṃ vaṅgatārārkaiḥ krameṇāveṣṭayetsamaiḥ

8.85.2

रुद्ध्वा तीव्राग्निना धाम्यं तारं भवति शोभनम्

ruddhvā tīvrāgninā dhāmyaṃ tāraṃ bhavati śobhanam

8.86

शुद्धसूतत्रयो भागा भागैकं ताम्रपत्रकम्

śuddhasūtatrayo bhāgā bhāgaikaṃ tāmrapatrakam

8.86.2

स्त्रीस्तन्ये मर्दयेद्यामं जायते तारपिष्टिका

strīstanye mardayedyāmaṃ jāyate tārapiṣṭikā

8.87

बीजान्युत्तरवारुण्याः स्त्रीस्तन्येन तु पेषयेत्

bījānyuttaravāruṇyāḥ strīstanyena tu peṣayet

8.87.2

तेनैव लेपयेत्पिष्टीं वज्रमूषां निरोधयेत्

tenaiva lepayetpiṣṭīṃ vajramūṣāṃ nirodhayet

8.88

दिनैकं भूधरे पच्यात्पुनर्लिप्त्वा च पाचयेत्

dinaikaṃ bhūdhare pacyātpunarliptvā ca pācayet

8.88.2

इत्येवं सप्तधा पाच्यं पिष्टीस्तम्भो भवेद् दृढः

ityevaṃ saptadhā pācyaṃ piṣṭīstambho bhaved dṛḍhaḥ

8.89

द्वात्रिंशांशेन तेनैव शुल्बे वेधं प्रदापयेत्

dvātriṃśāṃśena tenaiva śulbe vedhaṃ pradāpayet

8.89.2

दशांशं च क्षिपेत्तारं रौप्यं भवति शोभनम्

daśāṃśaṃ ca kṣipettāraṃ raupyaṃ bhavati śobhanam

8.90

शृङ्गाटी शंखचूर्णं तु गोमूत्रैः सारनालकैः

śṛṅgāṭī śaṃkhacūrṇaṃ tu gomūtraiḥ sāranālakaiḥ

Rasaratnākara