5.39.2

त्रिवर्षनागवन्ध्यास्तु कार्पासस्याथ मूलिका

trivarṣanāgavandhyāstu kārpāsasyātha mūlikā

5.39.3

पिष्ट्वा तन्मध्यगं वज्रं कृत्वा मूषां निरोधयेत्

piṣṭvā tanmadhyagaṃ vajraṃ kṛtvā mūṣāṃ nirodhayet

5.40

पचेद्गजपुटे तं च म्रियते सप्तधा पुटैः

pacedgajapuṭe taṃ ca mriyate saptadhā puṭaiḥ

5.41

मत्कुणानां तु रक्तेन सप्तधातपशोषितम्

matkuṇānāṃ tu raktena saptadhātapaśoṣitam

5.41.2

कुलिशं भावितं तदक्ध्रूर्णितापि

kuliśaṃ bhāvitaṃ tadakdhrūrṇitāpi

5.42

लिप्त्वा च बदरीपत्रैः वेष्टयित्वा पुरे पचेत्

liptvā ca badarīpatraiḥ veṣṭayitvā pure pacet

5.42.2

पुनर्लेप्यं पुनः पाच्यं सप्तधा म्रियतेऽपि च

punarlepyaṃ punaḥ pācyaṃ saptadhā mriyate'pi ca

5.43

वज्रं महानदीशुक्तौ क्षिप्तं भाव्यं मुहुर्मुहुः

vajraṃ mahānadīśuktau kṣiptaṃ bhāvyaṃ muhurmuhuḥ

5.43.2

स्नुह्यर्कोन्मत्तकन्यानां द्वयेणैकेन चाह्निकम्

snuhyarkonmattakanyānāṃ dvayeṇaikena cāhnikam

5.44

कृष्णकर्कटमांसेन पिष्टितं वेष्टयेद्

kṛṣṇakarkaṭamāṃsena piṣṭitaṃ veṣṭayed

5.44.2

भूनागस्य मृदा सम्यग्ध्माते भस्मत्वमाप्नुयात्

bhūnāgasya mṛdā samyagdhmāte bhasmatvamāpnuyāt

5.45

रक्तोत्पलस्य मूलैश्च मेघनादस्य कुड्मलैः

raktotpalasya mūlaiśca meghanādasya kuḍmalaiḥ

5.45.2

पिण्डितैर्वेष्टितं ध्मातं वज्रं भस्म भवत्यलम्

piṇḍitairveṣṭitaṃ dhmātaṃ vajraṃ bhasma bhavatyalam

5.46

वज्रमायुर्बलं रूपं देहसौख्यं करोति च

vajramāyurbalaṃ rūpaṃ dehasaukhyaṃ karoti ca

5.46.2

सेवितो हन्ति रोगांश्च मृतो वज्रो न संशयः

sevito hanti rogāṃśca mṛto vajro na saṃśayaḥ

5.46.3

वैक्रान्तं वज्रवच्छोध्यं नीलं वा लोहितं च वा

vaikrāntaṃ vajravacchodhyaṃ nīlaṃ vā lohitaṃ ca vā

5.46.4

हयमूत्रे तत्सेच्यं तप्तं तप्तं त्रिसप्तधा

hayamūtre tatsecyaṃ taptaṃ taptaṃ trisaptadhā

5.47

ततश्चोत्तरवारुण्याः पञ्चाङ्गे गोलके क्षिपेत्

tataścottaravāruṇyāḥ pañcāṅge golake kṣipet

5.47.2

रुद्ध्वा मूषापुटे पच्यादुद्धृत्य गोलके पुनः

ruddhvā mūṣāpuṭe pacyāduddhṛtya golake punaḥ

5.48

क्षिप्त्वा रुद्ध्वा पचेदेवं सप्तधा भस्मतां व्रजेत्

kṣiptvā ruddhvā pacedevaṃ saptadhā bhasmatāṃ vrajet

Rasaratnākara