7.38

निक्षिपेत्पूर्वपिण्डे तु तद्वत्पच्याद्दिनत्रयम्

nikṣipetpūrvapiṇḍe tu tadvatpacyāddinatrayam

7.38.2

एवं पुनः पुनर्देयं पिष्टिं खोटं सुभावितम्

evaṃ punaḥ punardeyaṃ piṣṭiṃ khoṭaṃ subhāvitam

7.39

आरोटस्य समं यावत्तावद् देयं द्रुतं भवेत्

āroṭasya samaṃ yāvattāvad deyaṃ drutaṃ bhavet

7.39.2

आर्द्रकं मूलकं शुण्ठी लशुनं हिङ्गुमाक्षिकम्

ārdrakaṃ mūlakaṃ śuṇṭhī laśunaṃ hiṅgumākṣikam

7.40

त्रिक्षारं पञ्चलवणं काङ्क्षी कासीसगन्धकम्

trikṣāraṃ pañcalavaṇaṃ kāṅkṣī kāsīsagandhakam

7.40.2

अम्लवर्गेण संयुक्तं मर्द्यं पिण्डं तु कल्पयेत्

amlavargeṇa saṃyuktaṃ mardyaṃ piṇḍaṃ tu kalpayet

7.41

तस्मिन् पिण्डे यथा पूर्वं द्रुतं सूतं तु कारयेत्

tasmin piṇḍe yathā pūrvaṃ drutaṃ sūtaṃ tu kārayet

7.41.2

मार्जारी चेश्वरी गुञ्जा कुक्कुटी क्षीरकन्दकम्

mārjārī ceśvarī guñjā kukkuṭī kṣīrakandakam

7.42

एतेषां पिण्डमध्ये तु पूर्ववद्भावयेद्रसम्

eteṣāṃ piṇḍamadhye tu pūrvavadbhāvayedrasam

7.42.2

द्रुतसूतमिदं ख्यातं सर्वकर्मसु योजयेत्

drutasūtamidaṃ khyātaṃ sarvakarmasu yojayet

7.43

द्रुतसूतस्य भागौ द्वावेकं कृष्णाभ्रसत्त्वकम्

drutasūtasya bhāgau dvāvekaṃ kṛṣṇābhrasattvakam

7.43.2

भागं रसकसत्त्वस्य कृष्णोन्मत्तद्रवैर्दिनम्

bhāgaṃ rasakasattvasya kṛṣṇonmattadravairdinam

7.44

मर्दितं कारयेद्गोलं गोलपादं मृतं पविम्

marditaṃ kārayedgolaṃ golapādaṃ mṛtaṃ pavim

7.44.2

दत्त्वाथ मर्दयेद्यामं सर्वमुन्मत्तवारिणा

dattvātha mardayedyāmaṃ sarvamunmattavāriṇā

7.45

रुद्ध्वाथ भूधरे पच्यात्पुटैकेन समुद्धरेत्

ruddhvātha bhūdhare pacyātpuṭaikena samuddharet

7.45.2

पूर्वांशं द्रुतसूतं तु तं दत्त्वा मर्दयेत्पुनः

pūrvāṃśaṃ drutasūtaṃ tu taṃ dattvā mardayetpunaḥ

7.46

धत्तूरोत्थद्रवैर्यामं तद्वत्पच्याच्च भूधरे

dhattūrotthadravairyāmaṃ tadvatpacyācca bhūdhare

7.46.2

इत्येवं सप्तवाराणि सूतं दत्त्वा पुनः पुनः

ityevaṃ saptavārāṇi sūtaṃ dattvā punaḥ punaḥ

7.47

भूधरे पाचयेद्यन्त्रे भस्मीभवति तद्रसः

bhūdhare pācayedyantre bhasmībhavati tadrasaḥ

7.47.2

तेनैव शतभागेन क्षौद्रेण सह पेषयेत्

tenaiva śatabhāgena kṣaudreṇa saha peṣayet

Rasaratnākara