7.19

मूषालेपः प्रकर्तव्यः छायाशुष्कं तु कारयेत्

mūṣālepaḥ prakartavyaḥ chāyāśuṣkaṃ tu kārayet

7.19.2

करीषाग्नौ दिवारात्रौ त्रिरात्रं वा तुषाग्निना

karīṣāgnau divārātrau trirātraṃ vā tuṣāgninā

7.20

मृदुना स्वेदयेत्पश्चात्समुद्धृत्याथ लेपयेत्

mṛdunā svedayetpaścātsamuddhṛtyātha lepayet

7.20.2

सम्यङ्निगडकल्केन पूर्वमूषां निरोधयेत्

samyaṅnigaḍakalkena pūrvamūṣāṃ nirodhayet

7.21

ऊर्ध्वाधो लवणं दत्त्वा रुद्ध्वा लेप्या च पूर्ववत्

ūrdhvādho lavaṇaṃ dattvā ruddhvā lepyā ca pūrvavat

7.21.2

छायाशुष्कं धमेद्गाढं रसो भवति खोटताम्

chāyāśuṣkaṃ dhamedgāḍhaṃ raso bhavati khoṭatām

7.22

सौवीरं टङ्कणं काचं दत्त्वा दत्त्वा धमेद् दृढम्

sauvīraṃ ṭaṅkaṇaṃ kācaṃ dattvā dattvā dhamed dṛḍham

7.22.2

तच्छुद्धं जायते खोटम् अभीक्ष्णं नात्र संशयः

tacchuddhaṃ jāyate khoṭam abhīkṣṇaṃ nātra saṃśayaḥ

7.23

इत्येवं सर्वसत्त्वैश्च पिष्टिकां कारयेत्पृथक्

ityevaṃ sarvasattvaiśca piṣṭikāṃ kārayetpṛthak

7.23.2

पूर्ववत्क्रमयोगेन खोटो भवति तद्रसः

pūrvavatkramayogena khoṭo bhavati tadrasaḥ

7.24

भागद्वयं सुवर्णस्य त्रिभागं पारदस्य च

bhāgadvayaṃ suvarṇasya tribhāgaṃ pāradasya ca

7.24.2

पूर्ववत्कारयेत्पिष्टीं तद्वत्खोटं च शोधयेत्

pūrvavatkārayetpiṣṭīṃ tadvatkhoṭaṃ ca śodhayet

7.25

इत्येवं पिष्टिखोटानि कृत्वा सर्वत्र योजयेत्

ityevaṃ piṣṭikhoṭāni kṛtvā sarvatra yojayet

7.25.2

तत्खोटं स्वर्णसंतुल्यं समावर्तं तु कारयेत्

tatkhoṭaṃ svarṇasaṃtulyaṃ samāvartaṃ tu kārayet

7.25.3

माक्षिकं कान्तपाषाणं शिलागन्धं समं समम्

mākṣikaṃ kāntapāṣāṇaṃ śilāgandhaṃ samaṃ samam

7.26

भूनागैर्मर्दयेद्यामं चणमात्रवटीकृतम्

bhūnāgairmardayedyāmaṃ caṇamātravaṭīkṛtam

7.26.2

एषा विडवटी ख्याता योज्या सर्वत्र जारणे

eṣā viḍavaṭī khyātā yojyā sarvatra jāraṇe

7.27

एकैकं वाहयेत्सूते धाम्यमाने पुनः पुनः

ekaikaṃ vāhayetsūte dhāmyamāne punaḥ punaḥ

7.27.2

एवं दशगुणं हेम जारयेत्तत्क्रमेण तु

evaṃ daśaguṇaṃ hema jārayettatkrameṇa tu

7.28

प्रकाशमूषागर्भे तु ग्रसते वडवानलः

prakāśamūṣāgarbhe tu grasate vaḍavānalaḥ

Rasaratnākara