6.125

तेन शुल्बेन तारं तु अष्टमांशेन वेधयेत्

tena śulbena tāraṃ tu aṣṭamāṃśena vedhayet

6.125.2

जायते कनकं शुल्बं देवाभरणमुत्तमम्

jāyate kanakaṃ śulbaṃ devābharaṇamuttamam

6.125.3

नागरञ्जनमिदं विशेषतः शुल्बसूतरविचन्द्रवेधनम्

nāgarañjanamidaṃ viśeṣataḥ śulbasūtaravicandravedhanam

6.125.4

धर्मकामसुखभाजनैर् जनैः साध्यताम् अखिललोकरक्षणे

dharmakāmasukhabhājanair janaiḥ sādhyatām akhilalokarakṣaṇe

7.1

धातुसत्त्वयुतपिष्टिकाक्रमस्तम्भनं च निगडेन लेपनम्

dhātusattvayutapiṣṭikākramastambhanaṃ ca nigaḍena lepanam

7.1.2

खोटबन्धकृतविद्रुतिं तथा वेधयुक्तिरखिला निगद्यते

khoṭabandhakṛtavidrutiṃ tathā vedhayuktirakhilā nigadyate

7.2

दिव्यौषधद्रवैर् मर्द्यं तप्तखल्वे दिनत्रयम्

divyauṣadhadravair mardyaṃ taptakhalve dinatrayam

7.2.2

शुद्धं सूतं ततो घर्मे शोष्यं स्वच्छं समाहरेत्

śuddhaṃ sūtaṃ tato gharme śoṣyaṃ svacchaṃ samāharet

7.3

स्वर्णनागार्ककान्तं च तीक्ष्णं वङ्गं च रूप्यकम्

svarṇanāgārkakāntaṃ ca tīkṣṇaṃ vaṅgaṃ ca rūpyakam

7.3.2

यथेष्टैकं विचूर्ण्यादौ व्योमसत्त्वम् अथापि वा

yatheṣṭaikaṃ vicūrṇyādau vyomasattvam athāpi vā

7.4

पूर्वसूतेन संतुल्यं याममम्लेन मर्दयेत्

pūrvasūtena saṃtulyaṃ yāmamamlena mardayet

7.4.2

महारसाष्टकादेकं सूततुल्यं विनिक्षिपेत्

mahārasāṣṭakādekaṃ sūtatulyaṃ vinikṣipet

7.5

दिव्यौषधीद्रवैरेव यामात्स्विन्नातपे खरे

divyauṣadhīdravaireva yāmātsvinnātape khare

7.5.2

मर्दयेत्खल्वके गाढं तद्गोलं वस्त्रवेष्टितम्

mardayetkhalvake gāḍhaṃ tadgolaṃ vastraveṣṭitam

7.6

गन्धतैले दिनं पच्यात्ततो वस्त्रात्समुद्धरेत्

gandhataile dinaṃ pacyāttato vastrātsamuddharet

7.6.2

पिष्टिगोलमिदं ख्यातं तथान्यमतमुच्यते

piṣṭigolamidaṃ khyātaṃ tathānyamatamucyate

7.7

पूर्वं यन्मर्दितं सूतं तस्य भागत्रयं भवेत्

pūrvaṃ yanmarditaṃ sūtaṃ tasya bhāgatrayaṃ bhavet

7.7.2

नागद्वयं यथेष्टैकं तस्मिन्नागं विनिक्षिपेत्

nāgadvayaṃ yatheṣṭaikaṃ tasminnāgaṃ vinikṣipet

7.8

वैक्रान्तं कुण्डगोलं च दिव्यौषधिद्रवं तथा

vaikrāntaṃ kuṇḍagolaṃ ca divyauṣadhidravaṃ tathā

7.8.2

मर्द्यं यामत्रयं खल्वे छायाशुष्कं तु गोलकम्

mardyaṃ yāmatrayaṃ khalve chāyāśuṣkaṃ tu golakam

Rasaratnākara