5.18.2

पुंस्त्रीनपुंसकाश्चैते लक्षणेन तु लक्षयेत्

puṃstrīnapuṃsakāścaite lakṣaṇena tu lakṣayet

5.19

वृत्ताः फलकसम्पूर्णास् तेजस्वन्तो बृहद्भवाः

vṛttāḥ phalakasampūrṇās tejasvanto bṛhadbhavāḥ

5.19.2

पुरुषास्ते समाख्याता रेखाबिन्दुविवर्जिताः

puruṣāste samākhyātā rekhābinduvivarjitāḥ

5.20

रेखाबिन्दुसमायुक्ताः षट्कोणास् ताः स्त्रियः स्मृताः

rekhābindusamāyuktāḥ ṣaṭkoṇās tāḥ striyaḥ smṛtāḥ

5.20.2

त्रिकोणायत्ता दीर्घा विज्ञेयास्ता नपुंसकाः

trikoṇāyattā dīrghā vijñeyāstā napuṃsakāḥ

5.21

पूर्वपूर्वमिमे शस्ताः पुरुषाः बलवत्तराः

pūrvapūrvamime śastāḥ puruṣāḥ balavattarāḥ

5.21.2

शरीरकान्तिजनका भोगदा वज्रयोषितः

śarīrakāntijanakā bhogadā vajrayoṣitaḥ

5.22

नपुंसकास्त्वल्पवीर्याः कामुकाः सत्त्ववर्जिताः

napuṃsakāstvalpavīryāḥ kāmukāḥ sattvavarjitāḥ

5.22.2

स्त्री तु स्त्रीणां प्रदातव्या क्लीबं क्लीबे तथैव च

strī tu strīṇāṃ pradātavyā klībaṃ klībe tathaiva ca

5.23

सर्वेषां सर्वदा योज्याः पुरुषाः बलवत्तराः

sarveṣāṃ sarvadā yojyāḥ puruṣāḥ balavattarāḥ

5.24

गृहीत्वा तु शुभं वज्रं व्याघ्रीकन्दोदरे क्षिपेत्

gṛhītvā tu śubhaṃ vajraṃ vyāghrīkandodare kṣipet

5.24.2

महिषीविष्ठया लेप्यं करीषाग्नौ विपाचयेत्

mahiṣīviṣṭhayā lepyaṃ karīṣāgnau vipācayet

5.25

निशायां तु चतुर्यामं निशान्ते वाश्वमूत्रके

niśāyāṃ tu caturyāmaṃ niśānte vāśvamūtrake

5.25.2

सेचयेत्तानि प्रत्येकं सप्तरात्रेण शुध्यति

secayettāni pratyekaṃ saptarātreṇa śudhyati

5.26

मेघनादा शमी श्यामा शृङ्गी मदनकोद्भवम्

meghanādā śamī śyāmā śṛṅgī madanakodbhavam

5.26.2

कुलत्थं वेतसं चाथ अगस्त्यं सिन्धुवारकाः

kulatthaṃ vetasaṃ cātha agastyaṃ sindhuvārakāḥ

5.27

एतेषां सजलैः क्वाथैर् वज्रं जम्बीरमध्यगम्

eteṣāṃ sajalaiḥ kvāthair vajraṃ jambīramadhyagam

5.27.2

दोलायन्त्रे त्र्यहं पाच्यमेवं वज्रं

dolāyantre tryahaṃ pācyamevaṃ vajraṃ

5.28

कुलत्थकोद्रवक्वाथे दोलायन्त्रे विपाचयेत्

kulatthakodravakvāthe dolāyantre vipācayet

5.28.2

व्याघ्रीकन्दगतं वज्रं सप्ताहाच्छुद्धिम् ऋच्छति

vyāghrīkandagataṃ vajraṃ saptāhācchuddhim ṛcchati

Rasaratnākara