6.5.2

पुनर्मर्द्यं पुनः पाच्यं यावदूर्ध्वं न गच्छति

punarmardyaṃ punaḥ pācyaṃ yāvadūrdhvaṃ na gacchati

6.6

अधोयन्त्रे यदा तिष्ठेत्तदा स्याद् रक्तपारदः

adhoyantre yadā tiṣṭhettadā syād raktapāradaḥ

6.6.2

रक्तपारदभागैकं द्वयं कृष्णाभ्रसत्त्वकम्

raktapāradabhāgaikaṃ dvayaṃ kṛṣṇābhrasattvakam

6.7

टङ्कणस्य च भागैकं सर्वं मर्द्यं दिनावधि

ṭaṅkaṇasya ca bhāgaikaṃ sarvaṃ mardyaṃ dināvadhi

6.7.2

वज्रीक्षीरैस्तु तत्पिण्डं रुद्ध्वा गजपुटे पचेत्

vajrīkṣīraistu tatpiṇḍaṃ ruddhvā gajapuṭe pacet

6.8

पुनर्मर्द्यं पुनः पाच्यमेवं वारांश्चतुर्दश

punarmardyaṃ punaḥ pācyamevaṃ vārāṃścaturdaśa

6.8.2

षोडशांशेन नागस्य वेधे दत्ते च काञ्चनम्

ṣoḍaśāṃśena nāgasya vedhe datte ca kāñcanam

6.9

जायते दिव्यरूपाढ्यं देवाभरणमुत्तमम्

jāyate divyarūpāḍhyaṃ devābharaṇamuttamam

6.9.2

शाककिंशुककोरण्टद्रवैः कङ्गुणितैलतः

śākakiṃśukakoraṇṭadravaiḥ kaṅguṇitailataḥ

6.10

मर्दयेन्नागचूर्णं तु दिनं संपुटगं पचेत्

mardayennāgacūrṇaṃ tu dinaṃ saṃpuṭagaṃ pacet

6.10.2

सम्यग्गजपुटेनैव मर्द्य पाच्यं पुनः पुनः

samyaggajapuṭenaiva mardya pācyaṃ punaḥ punaḥ

6.11

चत्वारिंशत्पुटैः सिद्धं दिव्यं भवति काञ्चनम्

catvāriṃśatpuṭaiḥ siddhaṃ divyaṃ bhavati kāñcanam

6.11.2

रसकं कुङ्कुमं तुत्थं बालवत्सपुरीषकम्

rasakaṃ kuṅkumaṃ tutthaṃ bālavatsapurīṣakam

6.12

पीताभ्रकं विषं तुल्यं मातुलुङ्गद्रवैर्दिनम्

pītābhrakaṃ viṣaṃ tulyaṃ mātuluṅgadravairdinam

6.12.2

मर्दितं छायया शुष्कं मधुना सह कल्कयेत्

marditaṃ chāyayā śuṣkaṃ madhunā saha kalkayet

6.13

तेन नागस्य पत्राणि लिप्त्वा शोष्याणि छायया

tena nāgasya patrāṇi liptvā śoṣyāṇi chāyayā

6.13.2

अन्धमूषागतं ध्मातं शाकपत्रद्रवे ततः

andhamūṣāgataṃ dhmātaṃ śākapatradrave tataḥ

6.14

सेचयेद् उद्धरेत् पश्चात् प्रकटं द्रावयेत्पुनः

secayed uddharet paścāt prakaṭaṃ drāvayetpunaḥ

6.14.2

शाकपत्रद्रवैः सेच्यं पुनर्द्राव्यं च सेचयेत्

śākapatradravaiḥ secyaṃ punardrāvyaṃ ca secayet

6.15

इत्येवं सप्तधा कुर्यात्पुनः पत्राणि कारयेत्

ityevaṃ saptadhā kuryātpunaḥ patrāṇi kārayet

Rasaratnākara