4.51.2

दन्ते शृङ्गेऽथवा वंशे रक्षयेत्साधितं रसम्

dante śṛṅge'thavā vaṃśe rakṣayetsādhitaṃ rasam

4.52

पारदं क्रिमिकुष्ठघ्नं बल्यमायुष्यदृष्टिदम्

pāradaṃ krimikuṣṭhaghnaṃ balyamāyuṣyadṛṣṭidam

4.52.2

सेवनात्सर्वरोगघ्नं रुच्यं गुरुकषायकम्

sevanātsarvarogaghnaṃ rucyaṃ gurukaṣāyakam

4.53

सूते गुणानां शतकोटिर् वज्रे चाभ्रे सहस्रं कनके शतैकम्

sūte guṇānāṃ śatakoṭir vajre cābhre sahasraṃ kanake śataikam

4.53.2

तारे गुणाशीतिस् तदर्धं कान्ते तीक्ष्णे चतुःषष्टिः रवौ तदर्धम्

tāre guṇāśītis tadardhaṃ kānte tīkṣṇe catuḥṣaṣṭiḥ ravau tadardham

4.54

रसादिभिर्या क्रियते चिकित्सा दैवीति सद्भिः परिकीर्तिता सा

rasādibhiryā kriyate cikitsā daivīti sadbhiḥ parikīrtitā sā

4.54.2

सा मानुषी मन्त्रकृता शिफाद्यैः सा राक्षसी शस्त्रकृतादिभिर्या

sā mānuṣī mantrakṛtā śiphādyaiḥ sā rākṣasī śastrakṛtādibhiryā

5.1

गन्धकं वज्रवैक्रान्तं वज्राभ्रं तालकं शिला

gandhakaṃ vajravaikrāntaṃ vajrābhraṃ tālakaṃ śilā

5.1.2

खर्परं शिखितुत्थं च विमलां हेममाक्षिकम्

kharparaṃ śikhitutthaṃ ca vimalāṃ hemamākṣikam

5.2

कासीसम् कान्तपाषाणं वराटीमथ हिंगुलम्

kāsīsam kāntapāṣāṇaṃ varāṭīmatha hiṃgulam

5.2.2

कङ्कुष्ठं शंखभूनागं टंकणश्च शिलाजतु

kaṅkuṣṭhaṃ śaṃkhabhūnāgaṃ ṭaṃkaṇaśca śilājatu

5.3

एते उपरसाः शोध्याः मार्या द्राव्याः पुटे क्वचित्

ete uparasāḥ śodhyāḥ māryā drāvyāḥ puṭe kvacit

5.4

अपक्वगन्धं कुरुतेऽति कुष्ठं तापं भ्रमं पित्तरुजां करोति

apakvagandhaṃ kurute'ti kuṣṭhaṃ tāpaṃ bhramaṃ pittarujāṃ karoti

5.4.2

रूपं सुखं वीर्यबलं च हन्ति तस्मात् संशुद्धं विधियोजनीयम्

rūpaṃ sukhaṃ vīryabalaṃ ca hanti tasmāt saṃśuddhaṃ vidhiyojanīyam

5.5

साज्यं भाण्डे पयः क्षिप्त्वा मुखं वस्त्रेण बन्धयेत्

sājyaṃ bhāṇḍe payaḥ kṣiptvā mukhaṃ vastreṇa bandhayet

5.5.2

तत्पृष्ठे चूर्णितं गन्धं क्षिप्त्वा स्रावेण रोधयेत्

tatpṛṣṭhe cūrṇitaṃ gandhaṃ kṣiptvā srāveṇa rodhayet

5.6

भाण्डं निक्षिप्य भूम्यन्ते ऊर्ध्वे देयं पुटं लघु

bhāṇḍaṃ nikṣipya bhūmyante ūrdhve deyaṃ puṭaṃ laghu

5.6.2

ततः क्षीरे द्रुतं गन्धं शुद्धं योगेषु योजयेत्

tataḥ kṣīre drutaṃ gandhaṃ śuddhaṃ yogeṣu yojayet

5.7

अथवार्कस्नुहीक्षीरैर्वस्त्रं लेप्यं च सप्तधा

athavārkasnuhīkṣīrairvastraṃ lepyaṃ ca saptadhā

5.7.2

गन्धकं नवनीतेन पिष्ट्वा वस्त्रं प्रलेपयेत्

gandhakaṃ navanītena piṣṭvā vastraṃ pralepayet

Rasaratnākara