4.77.2

राजावर्तं हिंगुलकं कंकुष्ठं च प्रवालकम्

rājāvartaṃ hiṃgulakaṃ kaṃkuṣṭhaṃ ca pravālakam

4.78

प्रत्येकं कर्षमात्रं स्याद्रसकस्य पलं तथा

pratyekaṃ karṣamātraṃ syādrasakasya palaṃ tathā

4.78.2

सूक्ष्मचूर्णं कृतं सर्वं सिद्धचूर्णेन संयुतम्

sūkṣmacūrṇaṃ kṛtaṃ sarvaṃ siddhacūrṇena saṃyutam

4.79

अन्धमूषागतं ध्मातं मर्दनादिपुटान्तकम्

andhamūṣāgataṃ dhmātaṃ mardanādipuṭāntakam

4.79.2

पूर्ववत् कारयेत्पश्चान्मधुना सह मिश्रयेत्

pūrvavat kārayetpaścānmadhunā saha miśrayet

4.80

तारारिष्टस्य पत्राणि लेपयित्वा पुटे पचेत्

tārāriṣṭasya patrāṇi lepayitvā puṭe pacet

4.80.2

एवं वारत्रयं कुर्याद् दिव्यं भवति काञ्चनम्

evaṃ vāratrayaṃ kuryād divyaṃ bhavati kāñcanam

4.81

माक्षिकं दरदं तुत्थं राजावर्तं प्रवालकम्

mākṣikaṃ daradaṃ tutthaṃ rājāvartaṃ pravālakam

4.81.2

एतानि समभागानि द्विभागं रसकं भवेत्

etāni samabhāgāni dvibhāgaṃ rasakaṃ bhavet

4.82

मेषीक्षीरेण तत्सर्वं दिनमेकं विमर्दयेत्

meṣīkṣīreṇa tatsarvaṃ dinamekaṃ vimardayet

4.82.2

छायाशुष्कं तु तत्कृत्वा तुल्यांशं मित्रपञ्चकम्

chāyāśuṣkaṃ tu tatkṛtvā tulyāṃśaṃ mitrapañcakam

4.83

दत्त्वा तु मर्दयेत् खल्वे तारारिष्टं तु लेपयेत्

dattvā tu mardayet khalve tārāriṣṭaṃ tu lepayet

4.83.2

प्रथमं समकल्केन रुद्ध्वा गजपुटे पचेत्

prathamaṃ samakalkena ruddhvā gajapuṭe pacet

4.84

अर्धकल्केन लेप्याथ पादकल्केन वा पुनः

ardhakalkena lepyātha pādakalkena vā punaḥ

4.84.2

एवं पुटत्रयं देयं दिव्यं भवति काञ्चनम्

evaṃ puṭatrayaṃ deyaṃ divyaṃ bhavati kāñcanam

4.85

रसकं नागसंतुल्यं रुद्ध्वा खोटं प्रकारयेत्

rasakaṃ nāgasaṃtulyaṃ ruddhvā khoṭaṃ prakārayet

4.85.2

सिद्धचूर्णेन संयुक्तं पुटान्तं पूर्ववत् कृतम्

siddhacūrṇena saṃyuktaṃ puṭāntaṃ pūrvavat kṛtam

4.86

तेनैव मधुनोक्तेन तारारिष्टं प्रलेपयेत्

tenaiva madhunoktena tārāriṣṭaṃ pralepayet

4.86.2

रुद्ध्वा रुद्ध्वा पुटे पच्यात् त्रिधा भवति काञ्चनम्

ruddhvā ruddhvā puṭe pacyāt tridhā bhavati kāñcanam

4.87

गंधकं तालकं शुल्वं समहिंगुलपेषितम्

gaṃdhakaṃ tālakaṃ śulvaṃ samahiṃgulapeṣitam

Rasaratnākara