4.29.2

स्निग्धखल्वे कराङ्गुल्या देवदालीद्रवे प्लुतम्

snigdhakhalve karāṅgulyā devadālīdrave plutam

4.30

मर्दयेदातपे तीव्रे जायते गन्धपिष्टिका

mardayedātape tīvre jāyate gandhapiṣṭikā

4.30.2

शुद्धसूतं पलैकं तु कर्षार्धं शुद्धगन्धकम्

śuddhasūtaṃ palaikaṃ tu karṣārdhaṃ śuddhagandhakam

4.31

निधाय ताम्रखल्वे तु तदधोऽग्निं मृदुं क्षिपेत्

nidhāya tāmrakhalve tu tadadho'gniṃ mṛduṃ kṣipet

4.31.2

कराङ्गुष्ठेन संमर्द्य यामाद्भवति पिष्टिका

karāṅguṣṭhena saṃmardya yāmādbhavati piṣṭikā

4.32

तिक्तकोशातकीबीजं चाण्डालीकन्द एव च

tiktakośātakībījaṃ cāṇḍālīkanda eva ca

4.32.2

नारीस्तन्येन सम्पिष्य लेपयेद् गन्धपिष्टिकाम्

nārīstanyena sampiṣya lepayed gandhapiṣṭikām

4.33

निक्षिपेत्सूरणे कन्दे क्षीरकन्दोदरे तथा

nikṣipetsūraṇe kande kṣīrakandodare tathā

4.33.2

वन्ध्याकर्कोटकीवज्रकन्दे वा कुडुहुञ्जिके

vandhyākarkoṭakīvajrakande vā kuḍuhuñjike

4.34

मुखं कन्दस्य मज्जाभी रुद्ध्वा कन्दं मृदा लिपेत्

mukhaṃ kandasya majjābhī ruddhvā kandaṃ mṛdā lipet

4.34.2

पुटयेद्भूधरे यन्त्रे करीषाग्नौ दिनावधि

puṭayedbhūdhare yantre karīṣāgnau dināvadhi

4.35

ऊर्ध्वाधः परिवर्तेन यथा कन्दो न दह्यते

ūrdhvādhaḥ parivartena yathā kando na dahyate

4.35.2

ततः पिष्टीं समुद्धृत्य स्तम्भिता जायते ध्रुवम्

tataḥ piṣṭīṃ samuddhṛtya stambhitā jāyate dhruvam

4.36

अथास्या जारणा कार्या स्तनाख्ये लोहसंपुटे

athāsyā jāraṇā kāryā stanākhye lohasaṃpuṭe

4.36.2

निधाय जारयेद्गन्धं तुल्यं तुल्यं तु भूधरे

nidhāya jārayedgandhaṃ tulyaṃ tulyaṃ tu bhūdhare

4.37

जीर्णे गन्धे पुनर्देयं यन्त्रे जार्यं च पूर्ववत्

jīrṇe gandhe punardeyaṃ yantre jāryaṃ ca pūrvavat

4.37.2

एवं शतगुणं जार्यं जीर्णे यन्त्रात्समुद्धरेत्

evaṃ śataguṇaṃ jāryaṃ jīrṇe yantrātsamuddharet

4.38

सर्वासां गन्धपिष्टीनां रञ्जनं स्यात्तु जारणात्

sarvāsāṃ gandhapiṣṭīnāṃ rañjanaṃ syāttu jāraṇāt

4.38.2

दिव्यौषधगणद्रावैः पिष्टिः खल्वे विमर्दयेत्

divyauṣadhagaṇadrāvaiḥ piṣṭiḥ khalve vimardayet

4.38.3

दिनान्ते गोलकं कृत्वा बीजैर् दिव्यगणोद्भवैः

dinānte golakaṃ kṛtvā bījair divyagaṇodbhavaiḥ

Rasaratnākara