3.29.2

गुडूचीं सैन्धवं हिंगु समुस्तोत्तरवारुणीम्

guḍūcīṃ saindhavaṃ hiṃgu samustottaravāruṇīm

3.30

क्वाथैः कौलत्थकैः पिष्ट्वा तस्मिन्द्रावे निषेचयेत्

kvāthaiḥ kaulatthakaiḥ piṣṭvā tasmindrāve niṣecayet

3.30.2

तद्वज्रं पूर्ववद्गोले क्षिप्त्वा रुद्ध्वा धमेत्तथा

tadvajraṃ pūrvavadgole kṣiptvā ruddhvā dhamettathā

3.31

सेचनान्तं पुनः कुर्यादेकविंशतिवारकम्

secanāntaṃ punaḥ kuryādekaviṃśativārakam

3.31.2

तालमत्कुणयोगेन सप्तवारं पुनर्धमेत्

tālamatkuṇayogena saptavāraṃ punardhamet

3.32

सेचयेदश्वमूत्रेण तद्वज्रं म्रियते ध्रुवम्

secayedaśvamūtreṇa tadvajraṃ mriyate dhruvam

3.32.2

त्रिवर्षरूढकार्पासमूलमादाय पेषयेत्

trivarṣarūḍhakārpāsamūlamādāya peṣayet

3.33

त्रिवर्षनागवल्ल्या वा निजद्रावैः प्रपेषयेत्

trivarṣanāgavallyā vā nijadrāvaiḥ prapeṣayet

3.33.2

तद्गोलके क्षिपेद्वज्रं रुद्ध्वा गजपुटे पचेत्

tadgolake kṣipedvajraṃ ruddhvā gajapuṭe pacet

3.34

एवं सप्तपुटैः पक्व एकैकेन मृतो भवेत्

evaṃ saptapuṭaiḥ pakva ekaikena mṛto bhavet

3.34.2

तालकासीससौराष्ट्रयोर् ह्यपामार्गस्य भस्म च

tālakāsīsasaurāṣṭrayor hyapāmārgasya bhasma ca

3.35

पिष्ट्वा कौलत्थकैः क्वाथैस्तस्मिन्वज्रं सुतापितम्

piṣṭvā kaulatthakaiḥ kvāthaistasminvajraṃ sutāpitam

3.35.2

क्षिप्त्वा त्रिसप्तवाराणि म्रियते नात्र संशयः

kṣiptvā trisaptavārāṇi mriyate nātra saṃśayaḥ

3.36

वैक्रान्तभस्मना सार्धं पेषयेदम्लवेतसम्

vaikrāntabhasmanā sārdhaṃ peṣayedamlavetasam

3.36.2

तद्गोलके क्षिपेद्वज्रमन्धमूषागतं धमेत्

tadgolake kṣipedvajramandhamūṣāgataṃ dhamet

3.37

सेचयेदश्वमूत्रेण पूर्वगोले पुनः क्षिपेत्

secayedaśvamūtreṇa pūrvagole punaḥ kṣipet

3.37.2

रुद्ध्वा ध्मातं पुनः सेच्यमेवं कुर्यात्त्रिसप्तकम्

ruddhvā dhmātaṃ punaḥ secyamevaṃ kuryāttrisaptakam

3.38

म्रियते नात्र सन्देहः सर्वकर्मसु योजयेत्

mriyate nātra sandehaḥ sarvakarmasu yojayet

3.38.2

उत्तरावारुणीक्षीरैः कान्तपाषाणजं मुखम्

uttarāvāruṇīkṣīraiḥ kāntapāṣāṇajaṃ mukham

3.39

क्षणं पिष्ट्वा तु तद्गोले वज्रं क्षिप्त्वा पचेदनु

kṣaṇaṃ piṣṭvā tu tadgole vajraṃ kṣiptvā pacedanu

Rasaratnākara