8.52.2

तेन चाञ्जितनेत्रो यो देवैरपि न दृश्यते

tena cāñjitanetro yo devairapi na dṛśyate

8.53

पादुकां तेन योगेन क्षिप्त्वा पद्भ्यां तु धारयेत्

pādukāṃ tena yogena kṣiptvā padbhyāṃ tu dhārayet

8.53.2

यत्रेच्छा तत्र तत्रैव गन्ता भवति तत्क्षणात्

yatrecchā tatra tatraiva gantā bhavati tatkṣaṇāt

8.54

तद्वद्रक्तपटं तत्र क्षिप्त्वा संवेष्ट्य साधकः

tadvadraktapaṭaṃ tatra kṣiptvā saṃveṣṭya sādhakaḥ

8.54.2

अदृश्यो जायते सम्यक्पटे मुक्ते तु दृश्यते

adṛśyo jāyate samyakpaṭe mukte tu dṛśyate

8.55

कान्ताभ्रं काञ्चनं सूतं कृत्वा गोलं तु वेशयेत्

kāntābhraṃ kāñcanaṃ sūtaṃ kṛtvā golaṃ tu veśayet

8.55.2

वंशाग्रस्थं मन्त्रयुक्तं स्पर्शवेधी भवेत्तु तत्

vaṃśāgrasthaṃ mantrayuktaṃ sparśavedhī bhavettu tat

8.56

श्रीशैले पश्चिमे द्वारे नाम्ना ब्रह्मेश्वरेश्वरः

śrīśaile paścime dvāre nāmnā brahmeśvareśvaraḥ

8.56.2

तल्लिङ्गं स्पर्शमित्याहुर्दुर्गा तत्रैव तादृशी

talliṅgaṃ sparśamityāhurdurgā tatraiva tādṛśī

8.57

नवमं यत्तु सोपानं नद्यां तत्तादृशं स्थितम्

navamaṃ yattu sopānaṃ nadyāṃ tattādṛśaṃ sthitam

8.57.2

देवस्य तिष्ठति द्वारे मुद्गवर्णं विलोकयेत्

devasya tiṣṭhati dvāre mudgavarṇaṃ vilokayet

8.58

ब्रह्मेश्वरस्य नैरृत्ये संस्थितं तिन्तिणीवनम्

brahmeśvarasya nairṛtye saṃsthitaṃ tintiṇīvanam

8.58.2

तस्मिन् वने स्थितं कुण्डं तत्र तिष्ठति चण्डिका

tasmin vane sthitaṃ kuṇḍaṃ tatra tiṣṭhati caṇḍikā

8.59

एकपादेन चिञ्चाधस् तद्वृक्षात् पत्त्रमाहरेत्

ekapādena ciñcādhas tadvṛkṣāt pattramāharet

8.59.2

बद्ध्वा वस्त्रे क्षिपेत्कुण्डे स्नानं तत्र समाचरेत्

baddhvā vastre kṣipetkuṇḍe snānaṃ tatra samācaret

8.60

स्नानान्ते पोटली ग्राह्या सर्वे मत्स्या भवन्ति ते

snānānte poṭalī grāhyā sarve matsyā bhavanti te

8.60.2

तत्काष्ठैः पाचयेत्तानि कण्ठं पुच्छं शिरस्त्यजेत्

tatkāṣṭhaiḥ pācayettāni kaṇṭhaṃ pucchaṃ śirastyajet

8.61

भागं देवाय संकल्प्य द्वितीयमतिथेर्भवेत्

bhāgaṃ devāya saṃkalpya dvitīyamatitherbhavet

8.61.2

तृतीयं साधको भुक्त्वा क्षणं भवति मूर्छितः

tṛtīyaṃ sādhako bhuktvā kṣaṇaṃ bhavati mūrchitaḥ

8.62

तत्क्षणाज्जायते सिद्धश्छिद्रां पश्यति मेदिनीम्

tatkṣaṇājjāyate siddhaśchidrāṃ paśyati medinīm

Rasaratnākara