4.1.2

मेघनादो वचा हिंगु शूरणैर्मर्दयेद्रसम्

meghanādo vacā hiṃgu śūraṇairmardayedrasam

4.2

नष्टपिष्टं तु तद्गोलं हिङ्गुना वेष्टयेद् बहिः

naṣṭapiṣṭaṃ tu tadgolaṃ hiṅgunā veṣṭayed bahiḥ

4.2.2

पचेल्लवणयन्त्रस्थं दिनैकं चण्डवह्निना

pacellavaṇayantrasthaṃ dinaikaṃ caṇḍavahninā

4.3

ऊर्ध्वलग्नं समारुह्य दृढं वस्त्रेण बन्धयेत्

ūrdhvalagnaṃ samāruhya dṛḍhaṃ vastreṇa bandhayet

4.3.2

ऊर्ध्वाधो गन्धकं तुल्यं दत्त्वा सौम्यानले पचेत्

ūrdhvādho gandhakaṃ tulyaṃ dattvā saumyānale pacet

4.4

जीर्णे गन्धे पुनर् देयं षड्भिर् वारैः समं समम्

jīrṇe gandhe punar deyaṃ ṣaḍbhir vāraiḥ samaṃ samam

4.4.2

षड्गुणे गन्धके जीर्णे मूर्छितो रोगहा भवेत्

ṣaḍguṇe gandhake jīrṇe mūrchito rogahā bhavet

4.5

गन्धकं मधुसारं च शुद्धसूतं समं समम्

gandhakaṃ madhusāraṃ ca śuddhasūtaṃ samaṃ samam

4.5.2

यामैकं पाचयेत् खल्वे काचकुप्यां निवेशयेत्

yāmaikaṃ pācayet khalve kācakupyāṃ niveśayet

4.6

रुद्ध्वा द्वादशयामं तं वालुकायन्त्रगं पचेत्

ruddhvā dvādaśayāmaṃ taṃ vālukāyantragaṃ pacet

4.6.2

स्फोटयेत्स्वांगशीतं तं तदूर्ध्वं गन्धकं त्यजेत्

sphoṭayetsvāṃgaśītaṃ taṃ tadūrdhvaṃ gandhakaṃ tyajet

4.7

अधःस्थं रसमादाय सर्वरोगेषु योजयेत्

adhaḥsthaṃ rasamādāya sarvarogeṣu yojayet

4.7.2

शुद्धं सूतं द्विधा गन्धं सूतार्द्धं सैन्धवं क्षिपेत्

śuddhaṃ sūtaṃ dvidhā gandhaṃ sūtārddhaṃ saindhavaṃ kṣipet

4.8

द्रवैः सितजयन्त्याश्च मर्दयेद्दिवसत्रयम्

dravaiḥ sitajayantyāśca mardayeddivasatrayam

4.8.2

कृत्वा गोलं च संशोष्य क्षिप्त्वा मूषां निरुन्धयेत्

kṛtvā golaṃ ca saṃśoṣya kṣiptvā mūṣāṃ nirundhayet

4.9

शोषयित्वा धमेत् किंचित् सुतप्तां तां जले क्षिपेत्

śoṣayitvā dhamet kiṃcit sutaptāṃ tāṃ jale kṣipet

4.9.2

तस्माद्रसं समुद्धृत्य त्रिकण्टरसभावितम्

tasmādrasaṃ samuddhṛtya trikaṇṭarasabhāvitam

4.10

योजयेत्सर्वरोगेषु धमेद्वा भूधरे पचेत्

yojayetsarvarogeṣu dhamedvā bhūdhare pacet

4.10.2

रसार्धं गन्धकं मर्द्यं घृतैर्युक्तं तु गोलकम्

rasārdhaṃ gandhakaṃ mardyaṃ ghṛtairyuktaṃ tu golakam

4.11

कृत्वा तं बन्धयेद्वस्त्रे दोलायन्त्रगतं पचेत्

kṛtvā taṃ bandhayedvastre dolāyantragataṃ pacet

Rasaratnākara