3.27

पिष्ट्वैतान् वज्रमूषास्तैर्लेपं कृत्वा रसं क्षिपेत्

piṣṭvaitān vajramūṣāstairlepaṃ kṛtvā rasaṃ kṣipet

3.27.2

मर्दितं दिनमेकं तु तैरेवार्द्रोत्थितै रसैः

marditaṃ dinamekaṃ tu tairevārdrotthitai rasaiḥ

3.28

रुद्ध्वाथ भूधरे पच्याद् अष्टवारं पुनः पुनः

ruddhvātha bhūdhare pacyād aṣṭavāraṃ punaḥ punaḥ

3.28.2

मर्दयेल्लिप्तमूषास्ता रुद्ध्वा ध्मातो मृतो भवेत्

mardayelliptamūṣāstā ruddhvā dhmāto mṛto bhavet

3.29

रसैर्नियामकैर् मर्द्यो दृढं यामचतुष्टयम्

rasairniyāmakair mardyo dṛḍhaṃ yāmacatuṣṭayam

3.29.2

द्विगुणैर्गन्धतैलैश्च पचेन्मृद्वग्निना शनैः

dviguṇairgandhatailaiśca pacenmṛdvagninā śanaiḥ

3.30

यावत् खोटो भवेत्तत्तद्रोधयेल्लौहसम्पुटे

yāvat khoṭo bhavettattadrodhayellauhasampuṭe

3.30.2

हरीतकीं जले पिष्ट्वा लौहकिट्टेन मूषिकाम्

harītakīṃ jale piṣṭvā lauhakiṭṭena mūṣikām

3.31

कृत्वा तन्मध्यतः क्षिप्त्वा सम्पुटं चान्धयेत्पुनः

kṛtvā tanmadhyataḥ kṣiptvā sampuṭaṃ cāndhayetpunaḥ

3.31.2

तस्योर्ध्वं स्रावकाकारं हृत्वा नागद्रुतं क्षिपेत्

tasyordhvaṃ srāvakākāraṃ hṛtvā nāgadrutaṃ kṣipet

3.32

कठिनेन धमेत्तावद्यावन्नागो द्रुतो भवेत्

kaṭhinena dhamettāvadyāvannāgo druto bhavet

3.32.2

न धमेच्च पुनस्तावद्यावत् कठिनतां व्रजेत्

na dhamecca punastāvadyāvat kaṭhinatāṃ vrajet

3.33

एवं पुनः पुनर्ध्मातस्त्रियामैर् म्रियते रसः

evaṃ punaḥ punardhmātastriyāmair mriyate rasaḥ

3.33.2

नियामकास्ततो वक्ष्ये सूतस्य मारकर्मणि

niyāmakāstato vakṣye sūtasya mārakarmaṇi

3.34

सर्पाक्षी क्षीरिणी वन्ध्या मत्स्याक्षी शरपुङ्खिका

sarpākṣī kṣīriṇī vandhyā matsyākṣī śarapuṅkhikā

3.34.2

काकजङ्घा शिखिशिखा ब्रह्मदण्ड्य् आखुपर्णिका

kākajaṅghā śikhiśikhā brahmadaṇḍy ākhuparṇikā

3.35

वर्षाभूः कञ्चुकी मूर्वा पद्मकोत्पलचिञ्चिका

varṣābhūḥ kañcukī mūrvā padmakotpalaciñcikā

3.35.2

शतावरी वज्रलता वज्रकन्दा त्रिपर्णिका

śatāvarī vajralatā vajrakandā triparṇikā

3.36

मण्डूकपर्णी पाटली चित्रको ग्रीष्मसुन्दरः

maṇḍūkaparṇī pāṭalī citrako grīṣmasundaraḥ

3.36.2

काकमाची महाराष्ट्री हरिद्रा तिलकर्णिका

kākamācī mahārāṣṭrī haridrā tilakarṇikā

Rasaratnākara