5.9

अनेनोद्वर्तयेद्गात्रं जायते पूर्ववत्फलम्

anenodvartayedgātraṃ jāyate pūrvavatphalam

5.9.2

गन्धकं कटुतैलेन घर्मे भाव्यं दिनावधि

gandhakaṃ kaṭutailena gharme bhāvyaṃ dināvadhi

5.10

तत्पलार्धं सदा खादेद्दिव्यकायकरं नृणाम्

tatpalārdhaṃ sadā khādeddivyakāyakaraṃ nṛṇām

5.10.2

जायते स्वर्णवद्देहो वत्सराद्वलिवर्जितः

jāyate svarṇavaddeho vatsarādvalivarjitaḥ

5.11

कुष्ठचूर्णं समध्वाज्यं नित्यं कर्षं लिहेत्तु यः

kuṣṭhacūrṇaṃ samadhvājyaṃ nityaṃ karṣaṃ lihettu yaḥ

5.11.2

वत्सराद्दिव्यदेहः स्याद्गन्धेन शतपुष्पवत्

vatsarāddivyadehaḥ syādgandhena śatapuṣpavat

5.12

कान्तपाषाणचूर्णं तु तैलमध्वाज्यसंयुतम्

kāntapāṣāṇacūrṇaṃ tu tailamadhvājyasaṃyutam

5.12.2

काकतुण्डीफलं सर्वं सममेतत्तु कल्पयेत्

kākatuṇḍīphalaṃ sarvaṃ samametattu kalpayet

5.13

भाण्डे रुद्ध्वा क्षिपेन्मासं धान्यराशाव् अथोद्धरेत्

bhāṇḍe ruddhvā kṣipenmāsaṃ dhānyarāśāv athoddharet

5.13.2

अनेन लेपयेच्छीर्षं नस्यं कुर्यादनेन वै

anena lepayecchīrṣaṃ nasyaṃ kuryādanena vai

5.14

त्र्यहाद् भ्रमरसंकाशाः केशाः स्युर् वत्सरार्धकम्

tryahād bhramarasaṃkāśāḥ keśāḥ syur vatsarārdhakam

5.14.2

नागचूर्णपलैकं तु शङ्खचूर्णपलद्वयम्

nāgacūrṇapalaikaṃ tu śaṅkhacūrṇapaladvayam

5.15

पथ्याचूर्णं निष्कमेकं सर्वं पेष्यं दिनावधि

pathyācūrṇaṃ niṣkamekaṃ sarvaṃ peṣyaṃ dināvadhi

5.15.2

अम्लदध्ना युतं यत्नात्स्नात्वादौ शिरसि क्षिपेत्

amladadhnā yutaṃ yatnātsnātvādau śirasi kṣipet

5.16

मर्दयेद्घटिकार्धं तु वेष्ट्यम् एरण्डपत्त्रकैः

mardayedghaṭikārdhaṃ tu veṣṭyam eraṇḍapattrakaiḥ

5.16.2

शिरः संवेष्ट्य वस्त्रेण प्रातः स्नानं समाचरेत्

śiraḥ saṃveṣṭya vastreṇa prātaḥ snānaṃ samācaret

5.17

इत्येवं त्रिदिनं यत्नात्कृत्वा केशांश्च रञ्जयेत्

ityevaṃ tridinaṃ yatnātkṛtvā keśāṃśca rañjayet

5.17.2

पञ्चाङ्गं नीलिकाभृङ्गत्रिफलालोहचूर्णकम्

pañcāṅgaṃ nīlikābhṛṅgatriphalālohacūrṇakam

5.18

तुल्यं सर्वं कृतं सूक्ष्ममिडामूत्रेण मर्दयेत्

tulyaṃ sarvaṃ kṛtaṃ sūkṣmamiḍāmūtreṇa mardayet

5.18.2

दिनार्धं तेन कल्केन पूर्ववत्केशरञ्जनम्

dinārdhaṃ tena kalkena pūrvavatkeśarañjanam

Rasaratnākara