3.17.2

सैन्धवं टङ्कणं गुञ्जां शिग्रुमूलद्रवैर्दिनम्

saindhavaṃ ṭaṅkaṇaṃ guñjāṃ śigrumūladravairdinam

3.18

एतत्सर्वं समांशं तु मर्द्यं जम्बीरजैर्द्रवैः

etatsarvaṃ samāṃśaṃ tu mardyaṃ jambīrajairdravaiḥ

3.18.2

तद्गोलं रक्षयेद्यत्नाद्विडोऽयं वाडवानलः

tadgolaṃ rakṣayedyatnādviḍo'yaṃ vāḍavānalaḥ

3.18.3

अनेन मर्दयेत्सूतं ग्रसते तप्तखल्वके

anena mardayetsūtaṃ grasate taptakhalvake

3.19

स्वर्णाभ्रकसर्वलोहानि यथेष्टानि च जारयेत्

svarṇābhrakasarvalohāni yatheṣṭāni ca jārayet

3.19.2

मारयेत् पूर्वयोगेन मारणं चात्र कथ्यते

mārayet pūrvayogena māraṇaṃ cātra kathyate

3.20

कुम्भीं समूलाम् उद्धृत्य गोमूत्रेण सुपेषयेत्

kumbhīṃ samūlām uddhṛtya gomūtreṇa supeṣayet

3.20.2

तद्द्रवैर् मर्दयेत्सूतं दिनैकं कान्तसम्पुटे

taddravair mardayetsūtaṃ dinaikaṃ kāntasampuṭe

3.21

लिप्त्वा नियामका देया ऊर्ध्वश्चाधस्

liptvā niyāmakā deyā ūrdhvaścādhas

3.21.2

मृद्वग्निना दिनैकं तु पचेच्चुल्यां मृतो भवेत्

mṛdvagninā dinaikaṃ tu pacecculyāṃ mṛto bhavet

3.22

गोघृतं गन्धकं सूतं पिष्ट्वा पिण्डीं प्रकल्पयेत्

goghṛtaṃ gandhakaṃ sūtaṃ piṣṭvā piṇḍīṃ prakalpayet

3.22.2

कुमारीदलमध्यस्थं कृत्वा सूत्रेण वेष्टयेत्

kumārīdalamadhyasthaṃ kṛtvā sūtreṇa veṣṭayet

3.23

तं कान्तसम्पुटे रुद्ध्वा त्रिभिर् लघुपुटैः पचेत्

taṃ kāntasampuṭe ruddhvā tribhir laghupuṭaiḥ pacet

3.23.2

ततो ध्माते भवेद्भस्म चान्धमूषे क्षयं ध्रुवम्

tato dhmāte bhavedbhasma cāndhamūṣe kṣayaṃ dhruvam

3.24

शाकवृक्षस्य पक्वानि फलान्यादाय शोधयेत्

śākavṛkṣasya pakvāni phalānyādāya śodhayet

3.24.2

पेषयेद्रविदुग्धेन तेन मूषां प्रलेपयेत्

peṣayedravidugdhena tena mūṣāṃ pralepayet

3.25

आदिप्रसूतगोर् जातजरायोश्चूर्णपूरितः

ādiprasūtagor jātajarāyoścūrṇapūritaḥ

3.25.2

तन्मध्ये सूतकं रुद्ध्वा ध्मातो भस्मत्वमाप्नुयात्

tanmadhye sūtakaṃ ruddhvā dhmāto bhasmatvamāpnuyāt

3.26

कर्कोटकीं काकमाचीं च कञ्चुकीं कटुतुम्बिकाम्

karkoṭakīṃ kākamācīṃ ca kañcukīṃ kaṭutumbikām

3.26.2

काकजङ्घां काकतुण्डीं काकिनीं काकमञ्जरीः

kākajaṅghāṃ kākatuṇḍīṃ kākinīṃ kākamañjarīḥ

Rasaratnākara