Dh..29.2

एको दोषो विषे ताम्रे त्वष्टौ दोषाः प्रकीर्तिताः

eko doṣo viṣe tāmre tvaṣṭau doṣāḥ prakīrtitāḥ

Dh..30

भ्रमो मूर्च्छा विदाहश्च स्वेदक्लेदनवान्तयः

bhramo mūrcchā vidāhaśca svedakledanavāntayaḥ

Dh..30.2

अरुचिश्चित्तसंताप एते दोषा विषोपमाः

aruciścittasaṃtāpa ete doṣā viṣopamāḥ

Dh..30.3

तस्मात्संशोधयेत्ताम्रं तद्दोषविनिवृत्तये

tasmātsaṃśodhayettāmraṃ taddoṣavinivṛttaye

Dh..31

वज्रीदुग्धैः सलवणैस्ताम्रपत्रं विलेपयेत्

vajrīdugdhaiḥ salavaṇaistāmrapatraṃ vilepayet

Dh..31.2

अग्नौ संताप्य निर्गुण्डीरसैः संसेचयेत्त्रिशः

agnau saṃtāpya nirguṇḍīrasaiḥ saṃsecayettriśaḥ

Dh..31.3

स्नुह्यर्कक्षीरसेचैर्वा शुल्बशुद्धिः प्रजायते

snuhyarkakṣīrasecairvā śulbaśuddhiḥ prajāyate

Dh..32

गोमूत्रेण पचेद्यामं ताम्रपत्रं दृढाग्निना

gomūtreṇa pacedyāmaṃ tāmrapatraṃ dṛḍhāgninā

Dh..32.2

साम्लक्षारेण संशुद्धिं ताम्रं प्राप्नोति सर्वथा

sāmlakṣāreṇa saṃśuddhiṃ tāmraṃ prāpnoti sarvathā

Dh..33

चूर्णं शुद्धस्य ताम्रस्य समसूतं विमर्दयेत्

cūrṇaṃ śuddhasya tāmrasya samasūtaṃ vimardayet

Dh..33.2

खल्वे जम्बीरनीरेण तयोस्तुल्यं तु गन्धकम्

khalve jambīranīreṇa tayostulyaṃ tu gandhakam

Dh..33.3

दिनं गजपुटे पाच्यं ताम्रभस्म प्रजायते

dinaṃ gajapuṭe pācyaṃ tāmrabhasma prajāyate

Dh..34

तिलपर्णीरसैस् ताम्रपत्राणि परिलेपयेत्

tilaparṇīrasais tāmrapatrāṇi parilepayet

Dh..34.2

शुभ्रवर्णं भवेत्क्षिप्रं नात्र कार्या विचारणा

śubhravarṇaṃ bhavetkṣipraṃ nātra kāryā vicāraṇā

Dh..35

शुद्धताम्रस्य पत्राणि शुक्तिद्वयमितानि च

śuddhatāmrasya patrāṇi śuktidvayamitāni ca

Dh..35.2

त्रपु शुक्तिमितं तेन वेष्टयित्वाथ तानि तु

trapu śuktimitaṃ tena veṣṭayitvātha tāni tu

Dh..36

यामं पचेद् घटीयन्त्रे यदा त्रपुमयं तदा

yāmaṃ paced ghaṭīyantre yadā trapumayaṃ tadā

Dh..36.2

तत्स्वाङ्गशीतं निष्कास्य भक्षयेद् वल्लसंमितम्

tatsvāṅgaśītaṃ niṣkāsya bhakṣayed vallasaṃmitam

Dh..37

शृङ्गवेरयवक्षारशोषणैस्तन्निहन्ति च

śṛṅgaverayavakṣāraśoṣaṇaistannihanti ca

Dh..37.2

कफामयारुचिप्लीह्नस् त्रपुताम्रम् इदं क्षणात्

kaphāmayāruciplīhnas traputāmram idaṃ kṣaṇāt

Yogaratnākara