Dharmalib

Viṣṇupurāṇa

vaiṣṇava

Notable Lemmas:

bhū (621 Occurences)vac (595 Occurences)

861–880 of 11980 verses

1.9.50

विशुद्धबोधवन् नित्यम् अजम् अक्षयम् अव्ययम्

viśuddhabodhavan nityam ajam akṣayam avyayam

1.9.50.2

अव्यक्तम् अविकारं यत् तद् विष्णोः परमं पदम्

avyaktam avikāraṃ yat tad viṣṇoḥ paramaṃ padam

1.9.51

न स्थूलं न च सूक्ष्मं यन् न विशेषणगोचरम्

na sthūlaṃ na ca sūkṣmaṃ yan na viśeṣaṇagocaram

1.9.51.2

तत् पदं परमं विष्णोः प्रणमामि सदामलम्

tat padaṃ paramaṃ viṣṇoḥ praṇamāmi sadāmalam

1.9.52

यस्यायुतायुतांशांशे विश्वशक्तिर् इयं स्थिता

yasyāyutāyutāṃśāṃśe viśvaśaktir iyaṃ sthitā

1.9.52.2

परब्रह्मस्वरूपस्य प्रणमामि तम् अव्ययम्

parabrahmasvarūpasya praṇamāmi tam avyayam

1.9.53

यन् न देवा न मुनयो न चाहं न च शंकरः

yan na devā na munayo na cāhaṃ na ca śaṃkaraḥ

1.9.53.2

जानन्ति परमेशस्य तद् विष्णोः परमं पदम्

jānanti parameśasya tad viṣṇoḥ paramaṃ padam

1.9.54

यद् योगिनः सदोद्युक्ताः पुण्यपापक्षये ऽक्षयम्

yad yoginaḥ sadodyuktāḥ puṇyapāpakṣaye 'kṣayam

1.9.54.2

पश्यन्ति प्रणवे चिन्त्यं तद् विष्णोः परमं पदम्

paśyanti praṇave cintyaṃ tad viṣṇoḥ paramaṃ padam

1.9.55

शक्तयो यस्य देवस्य ब्रह्मविष्णुशिवात्मिकाः

śaktayo yasya devasya brahmaviṣṇuśivātmikāḥ

1.9.55.2

भवन्त्य् अभूतपूर्वस्य तद् विष्णोः परमं पदम्

bhavanty abhūtapūrvasya tad viṣṇoḥ paramaṃ padam

1.9.56

सर्वेश सर्वभूतात्मन् सर्व सर्वाश्रयाच्युत

sarveśa sarvabhūtātman sarva sarvāśrayācyuta

1.9.56.2

प्रसीद विष्णो भक्तानां व्रज नो दृष्टिगोचरम्

prasīda viṣṇo bhaktānāṃ vraja no dṛṣṭigocaram

1.9.57

पराशर उवाच

parāśara uvāca

1.9.57.2

इत्य् उदीरितम् आकर्ण्य ब्रह्मणस् त्रिदशास् ततः

ity udīritam ākarṇya brahmaṇas tridaśās tataḥ

1.9.57.3

प्रणम्योचुः प्रसीदेति व्रज नो दृष्टिगोचरम्

praṇamyocuḥ prasīdeti vraja no dṛṣṭigocaram

1.9.58

यन् नायं भगवान् ब्रह्मा जानाति परमं पदम्

yan nāyaṃ bhagavān brahmā jānāti paramaṃ padam

1.9.58.2

तं नताः स्मो जगद्धाम तव सर्वगताच्युत

taṃ natāḥ smo jagaddhāma tava sarvagatācyuta

1.9.59

इत्य् अन्ते वचसस् तेषां देवानां ब्रह्मणस् तथा

ity ante vacasas teṣāṃ devānāṃ brahmaṇas tathā