26.2.2

आसीनः पश्चिमां सन्ध्यां प्राणायामैर् व्यपोहति

āsīnaḥ paścimāṃ sandhyāṃ prāṇāyāmair vyapohati

26.3

कर्मणा मनसा वाचा यद् रात्र्या कृतम् ऐनसम्

karmaṇā manasā vācā yad rātryā kṛtam ainasam

26.3.2

उत्तिष्ठन् पूर्वसन्ध्यां तु प्राणायामैर् व्यपोहति

uttiṣṭhan pūrvasandhyāṃ tu prāṇāyāmair vyapohati

26.4

सव्याहृतिकाः सप्रणवाः प्राणायामास् तु षोडश

savyāhṛtikāḥ sapraṇavāḥ prāṇāyāmās tu ṣoḍaśa

26.4.2

अपि भ्रूणहनं मासात्पुनन्त्य् अहरहः कृताः

api bhrūṇahanaṃ māsātpunanty aharahaḥ kṛtāḥ

26.5

जप्त्वा कौत्सम् अपेत्य् एतद्वासिष्ठं च त्रिचं प्रति

japtvā kautsam apety etadvāsiṣṭhaṃ ca tricaṃ prati

26.5.2

माहित्रं शुद्धवत्यश् च सुरापो ऽपि विशुध्यति

māhitraṃ śuddhavatyaś ca surāpo 'pi viśudhyati

26.6

सकृज् जप्त्वास्यवामीयं शिवसंकल्पम् एव च

sakṛj japtvāsyavāmīyaṃ śivasaṃkalpam eva ca

26.6.2

सुवर्णम् अपहृत्यापि क्षणाद् भवति निर्मलः

suvarṇam apahṛtyāpi kṣaṇād bhavati nirmalaḥ

26.7

हविष्यन्तीयम् अभ्यस्य न तम् अंह इति त्रिचम्

haviṣyantīyam abhyasya na tam aṃha iti tricam

26.7.2

सूक्तं च पौरुषं जप्त्वा मुच्यते गुरुतल्पगः

sūktaṃ ca pauruṣaṃ japtvā mucyate gurutalpagaḥ

26.8

अपि वाप्सु निमज्जानस् त्रिर् जपेद् अघमर्षणम्

api vāpsu nimajjānas trir japed aghamarṣaṇam

26.9

यथाश्वमेधावभृथस् तादृशं मनुर् अब्रवीत्

yathāśvamedhāvabhṛthas tādṛśaṃ manur abravīt

26.9.2

आरम्भयज्ञाज्जपयज्ञो विशिष्टो दशभिर् गुणैः

ārambhayajñājjapayajño viśiṣṭo daśabhir guṇaiḥ

26.9.3

उपांशुः स्याच्छतगुणः साहस्रो मानसः स्मृतः

upāṃśuḥ syācchataguṇaḥ sāhasro mānasaḥ smṛtaḥ

26.10

ये पाकयज्ञाश् चत्वारो विधियज्ञसमन्विताः

ye pākayajñāś catvāro vidhiyajñasamanvitāḥ

26.10.2

सर्वे ते जपयज्ञस्य कलां नार्हन्ति षोडशीम्

sarve te japayajñasya kalāṃ nārhanti ṣoḍaśīm

26.11

जाप्येनैव तु संसिध्येद् ब्राह्मणो नात्र संशयः

jāpyenaiva tu saṃsidhyed brāhmaṇo nātra saṃśayaḥ

26.11.2

कुर्याद् अन्यं न वा कुर्यान् मैत्रो ब्राह्मण उच्यते

kuryād anyaṃ na vā kuryān maitro brāhmaṇa ucyate

26.12

जापिनां होमिनां चैव ध्यायिनां तीर्थवासिनाम्

jāpināṃ homināṃ caiva dhyāyināṃ tīrthavāsinām

Vasiṣṭhadharmasūtra