6.3

आचारहीनं न पुनन्ति वेदा यद्य् अप्य् अधीताः सह षड्भिर् अङ्गैः

ācārahīnaṃ na punanti vedā yady apy adhītāḥ saha ṣaḍbhir aṅgaiḥ

6.3.2

छन्दांस्य् एनं मृत्युकाले त्यजन्ति नीडं शकुन्ता इव जातपक्षाः

chandāṃsy enaṃ mṛtyukāle tyajanti nīḍaṃ śakuntā iva jātapakṣāḥ

6.4

आचारहीनस्य तु ब्राह्मणस्य वेदाः षडङ्गास् त्व् अखिलाः सयज्ञाः

ācārahīnasya tu brāhmaṇasya vedāḥ ṣaḍaṅgās tv akhilāḥ sayajñāḥ

6.4.2

कां प्रीतिम् उत्पादयितुं समर्था अन्धस्य दारा इव दर्शनीयाः

kāṃ prītim utpādayituṃ samarthā andhasya dārā iva darśanīyāḥ

6.5

नैनं छन्दांसि वृजिनात् तारयन्ति मायाविनं मायया वर्तमानम्

nainaṃ chandāṃsi vṛjināt tārayanti māyāvinaṃ māyayā vartamānam

6.5.2

द्वे ऽप्य् अक्षरे सम्यग् अधीयमाने पुनाति तद् ब्रह्म यथा इषे ऽब्दाः

dve 'py akṣare samyag adhīyamāne punāti tad brahma yathā iṣe 'bdāḥ

6.6

दुराचारो हि पुरुषो लोके भवति निन्दितः

durācāro hi puruṣo loke bhavati ninditaḥ

6.6.2

दुःखभागी च सततं व्याधितो ऽल्पायुर् एव च

duḥkhabhāgī ca satataṃ vyādhito 'lpāyur eva ca

6.7

आचारात् फलते धर्म आचारात् फलते धनम्

ācārāt phalate dharma ācārāt phalate dhanam

6.7.2

आचाराच्छ्रियम् आप्नोति आचारो हन्त्य् अलक्षणम्

ācārācchriyam āpnoti ācāro hanty alakṣaṇam

6.8

सर्वलक्षणहीनो ऽपि यः सदाचारवान् नरः

sarvalakṣaṇahīno 'pi yaḥ sadācāravān naraḥ

6.8.2

श्रद्दधानो ऽनसूयश् च शतं वर्षाणि जीवति

śraddadhāno 'nasūyaś ca śataṃ varṣāṇi jīvati

6.9

आहारनिर्हारविहारयोगाः सुसंवृता धर्मविदा तु कार्याः

āhāranirhāravihārayogāḥ susaṃvṛtā dharmavidā tu kāryāḥ

6.9.2

वाग्बुद्धिकार्याणि तपस् तथैव धनायुषी गुप्ततमे तु कार्ये

vāgbuddhikāryāṇi tapas tathaiva dhanāyuṣī guptatame tu kārye

6.10

उभे मूत्रपुरीषे दिवा कुर्याद् उदङ्मुखः

ubhe mūtrapurīṣe divā kuryād udaṅmukhaḥ

6.10.2

रात्रौ तु दक्षिणा कुर्याद् एवं ह्य् आयुर् न रिष्यति

rātrau tu dakṣiṇā kuryād evaṃ hy āyur na riṣyati

6.11

प्रत्य् अग्निं प्रति सूर्यं च प्रति गां प्रति ब्राह्मणम्

praty agniṃ prati sūryaṃ ca prati gāṃ prati brāhmaṇam

6.11.2

प्रति सोमोदकं सन्ध्यां प्रज्ञा नश्यति मेहतः

prati somodakaṃ sandhyāṃ prajñā naśyati mehataḥ

6.12

न नद्यां मेहनं कुर्यान् न पथि न च भस्मनि

na nadyāṃ mehanaṃ kuryān na pathi na ca bhasmani

6.12.2

न गोमये न कृष्टे नोप्ते न शाद्वलोपजीव्यछायासु

na gomaye na kṛṣṭe nopte na śādvalopajīvyachāyāsu

Vasiṣṭhadharmasūtra