3.1.3.2

प्रस्तोता प्रतिहर्ता सुब्रह्मण्य इत्य् उद्गातुः

prastotā pratihartā subrahmaṇya ity udgātuḥ

3.1.3.3

मैत्रावरुणो ऽच्छावाको ग्रावस्तुद् इति होतुः

maitrāvaruṇo 'cchāvāko grāvastud iti hotuḥ

3.1.3.4

प्रतिप्रस्थाता नेष्टोन्नेतेत्य् अध्वर्योः

pratiprasthātā neṣṭonnetety adhvaryoḥ

3.1.4

वसन्तादिषु यथावर्णं देवयजनम् इत्य् उक्तम्

vasantādiṣu yathāvarṇaṃ devayajanam ity uktam

3.1.5

यस्य श्वभ्र ऊर्मो वृक्षः पर्वतो नदी पन्था वा पुरस्तात् स्यात्

yasya śvabhra ūrmo vṛkṣaḥ parvato nadī panthā vā purastāt syāt

3.1.5.2

न देवयजनमात्रं पुरस्तात् पर्यवशिष्येत्

na devayajanamātraṃ purastāt paryavaśiṣyet

3.1.6

सोमरूपाण्य् अनुध्यायेत्

somarūpāṇy anudhyāyet

3.1.7

दीक्षणीयायाम् आग्नावैष्णवम्

dīkṣaṇīyāyām āgnāvaiṣṇavam

3.1.8

पत्नीसंयाजान्ता

patnīsaṃyājāntā

3.1.9

दीक्षितो ऽभ्यञ्जनम् इत्य् अभ्यज्यमानो जपति

dīkṣito 'bhyañjanam ity abhyajyamāno japati

3.1.10

पुनन्तु मेति पाव्यमानः

punantu meti pāvyamānaḥ

3.1.11

सुत्रामाणम् इति कृष्णाजिनम् उपवेशितः

sutrāmāṇam iti kṛṣṇājinam upaveśitaḥ

3.1.12

दीक्षितावेदनात् कामं चरन्ति

dīkṣitāvedanāt kāmaṃ caranti

3.1.13

अस्तम् इते वाग्विसर्जनाद् अस्तं यते नम इति नमस्कृत्य नक्षत्राणां मा संकाशश् च प्रतीकाशश् चावताम् इति नक्षत्राण्य् उपतिष्ठते

astam ite vāgvisarjanād astaṃ yate nama iti namaskṛtya nakṣatrāṇāṃ mā saṃkāśaś ca pratīkāśaś cāvatām iti nakṣatrāṇy upatiṣṭhate

3.1.14

दक्षिणेनाग्निं कशिप्वित्यादि वीक्षणान्तम्

dakṣiṇenāgniṃ kaśipvityādi vīkṣaṇāntam

3.1.15

पुनः प्राण इति मन्त्रोक्तान्य् अभिमन्त्रयते

punaḥ prāṇa iti mantroktāny abhimantrayate

3.1.16

आदित्यस्य मा संकाशः

ādityasya mā saṃkāśaḥ

3.1.16.2

उद्यते नम इत्य् आदित्यम् उपतिष्ठते

udyate nama ity ādityam upatiṣṭhate

3.1.17

व्रतानि

vratāni

3.1.18

अप्रत्युत्थायिकः

apratyutthāyikaḥ

Vaitānasūtra