2.15.5

इन्द्रस्य वज्रो ऽसीति वेगवेजम् इति त्रिर् उन्मार्ष्टि

indrasya vajro 'sīti vegavejam iti trir unmārṣṭi

2.15.6

उपानहावित्य् उपानहावारुह्य प्रजापतेः शरणं भुवः पुनात्विति द्वाभ्यां छत्त्रं गृह्णीयाद् यो मे दण्ड इति पुनर्दण्डं प्रमादे सत्याहरेत्

upānahāvity upānahāvāruhya prajāpateḥ śaraṇaṃ bhuvaḥ punātviti dvābhyāṃ chattraṃ gṛhṇīyād yo me daṇḍa iti punardaṇḍaṃ pramāde satyāharet

2.15.7

ततो वाहनं पूजयित्वा प्रतिष्ठे स्थो देवतानाम् इत्य् अभिमृश्य रथंतरमसीति रथम् अश्वो ऽसि हयो ऽसीत्य् अश्वम् इन्द्रस्य त्वा वज्रेणेति हस्तिनम् आरुह्यावतरेत्

tato vāhanaṃ pūjayitvā pratiṣṭhe stho devatānām ity abhimṛśya rathaṃtaramasīti ratham aśvo 'si hayo 'sīty aśvam indrasya tvā vajreṇeti hastinam āruhyāvataret

2.15.8

अभ्यागतम् उत्तमं कन्याप्रदः सं स्रवन्त्विति निरीक्ष्य यशो ऽसीत्यावसथे विष्टरं कूर्चं पाद्यमर्घ्यमाचमनीयं मधुपर्कं च संकल्पयति

abhyāgatam uttamaṃ kanyāpradaḥ saṃ sravantviti nirīkṣya yaśo 'sītyāvasathe viṣṭaraṃ kūrcaṃ pādyamarghyamācamanīyaṃ madhuparkaṃ ca saṃkalpayati

2.16.1

तत्रोपवेश्य राष्ट्रभृदसीति कूर्चं दत्त्वापः पादाविति पादौ सव्यादि प्रक्षालयति

tatropaveśya rāṣṭrabhṛdasīti kūrcaṃ dattvāpaḥ pādāviti pādau savyādi prakṣālayati

2.16.2

स धौतपादो विराज इति स्वहस्तेन तद्धस्तं परिमृश्य तेनात्मनो हृदयम् अभिमृशति

sa dhautapādo virāja iti svahastena taddhastaṃ parimṛśya tenātmano hṛdayam abhimṛśati

2.16.3

ततो मयि तेज इत्य् अर्घ्यम् आचमनीयं चाददीत

tato mayi teja ity arghyam ācamanīyaṃ cādadīta

2.16.4

आ मा गन् यशसेति मधुपर्कं दद्यात्

ā mā gan yaśaseti madhuparkaṃ dadyāt

2.16.5

देवस्य त्वेति प्रतिगृह्य यन्मधुनो मधव्यमिति प्राश्नीयात्

devasya tveti pratigṛhya yanmadhuno madhavyamiti prāśnīyāt

2.16.6

योगे योग इत्याचम्याचमेद् अमृतापिधानमसीति

yoge yoga ityācamyācamed amṛtāpidhānamasīti

2.16.7

धेनुं बद्ध्वा गौर् धेनुरिति तृणमुष्टिं प्रदाय गौर् अस्य् अपहतेति संस्पृश्य तत् सुभूतम् इति विसर्जयति

dhenuṃ baddhvā gaur dhenuriti tṛṇamuṣṭiṃ pradāya gaur asy apahateti saṃspṛśya tat subhūtam iti visarjayati

2.16.8

विराज इति पाद्यदानम् आ मा गन् यशसेत्य् आचमनम् अमृतोपस्तरणम् असीति मधुपर्कदानं पृथिवीति तस्यान्नसंकल्पनम् अमृतापिधानमसीति मुखवासदानमिति विशेष इत्येके

virāja iti pādyadānam ā mā gan yaśasety ācamanam amṛtopastaraṇam asīti madhuparkadānaṃ pṛthivīti tasyānnasaṃkalpanam amṛtāpidhānamasīti mukhavāsadānamiti viśeṣa ityeke