Pañcamaḥ paṭalaḥ.25.2

सर्वत्र ङेयुतं कृत्वा पूजयेत् साधकोत्तमः

sarvatra ṅeyutaṃ kṛtvā pūjayet sādhakottamaḥ

Pañcamaḥ paṭalaḥ.26

प्रणवादिनमोऽन्तेन वामावर्तेन पूजयेत्

praṇavādinamo'ntena vāmāvartena pūjayet

Pañcamaḥ paṭalaḥ.26.2

मूर्तयोऽष्टौ शिवस्यैताः पूर्वादिक्रमयोगतः

mūrtayo'ṣṭau śivasyaitāḥ pūrvādikramayogataḥ

Pañcamaḥ paṭalaḥ.27

आग्नेय्यान्ताः प्रपूज्याथ विद्यां लिङ्गिशिवं यजेत्

āgneyyāntāḥ prapūjyātha vidyāṃ liṅgiśivaṃ yajet

Pañcamaḥ paṭalaḥ.27.2

अष्टोत्तरसहस्रं वा शतं वा प्रजपेत्ततः

aṣṭottarasahasraṃ vā śataṃ vā prajapettataḥ

Pañcamaḥ paṭalaḥ.28

गुह्यातिगुह्यगोप्ता त्वं गृहाणास्मत्कृतं जपम्

guhyātiguhyagoptā tvaṃ gṛhāṇāsmatkṛtaṃ japam

Pañcamaḥ paṭalaḥ.28.2

सिद्धिर्भवतु मे देव त्वत्प्रसादान्महेश्वर

siddhirbhavatu me deva tvatprasādānmaheśvara

Pañcamaḥ paṭalaḥ.29

ततस्तोयं समादाय जपं चैव समर्पयेत्

tatastoyaṃ samādāya japaṃ caiva samarpayet

Pañcamaḥ paṭalaḥ.29.2

मुखवाद्यं ततः कृत्वा चाष्टाङ्गं प्रणमेत्

mukhavādyaṃ tataḥ kṛtvā cāṣṭāṅgaṃ praṇamet

Pañcamaḥ paṭalaḥ.30

संहारेण महादेव क्षमस्वेति विसर्जयेत्

saṃhāreṇa mahādeva kṣamasveti visarjayet

Pañcamaḥ paṭalaḥ.30.2

एवं पूजा प्रकर्तव्या शक्तिमन्त्रान् यजेद् यदि

evaṃ pūjā prakartavyā śaktimantrān yajed yadi

Pañcamaḥ paṭalaḥ.31

प्रासादादीन् महामन्त्रान् यदि दीक्षापरो भवेत्

prāsādādīn mahāmantrān yadi dīkṣāparo bhavet

Pañcamaḥ paṭalaḥ.31.2

शक्तिदीक्षा न कर्तव्या कदाचिदपि मोहतः

śaktidīkṣā na kartavyā kadācidapi mohataḥ

Pañcamaḥ paṭalaḥ.32

स शैव इति विख्यातः सर्वतन्त्रेश्वरो भवेत्

sa śaiva iti vikhyātaḥ sarvatantreśvaro bhavet

Pañcamaḥ paṭalaḥ.32.2

अथातः सम्प्रवक्ष्यामि सूत्रं परमगोपनम्

athātaḥ sampravakṣyāmi sūtraṃ paramagopanam

Pañcamaḥ paṭalaḥ.33

हरो महेश्वरश्चैव शूलपाणिः पिनाकधृक्

haro maheśvaraścaiva śūlapāṇiḥ pinākadhṛk

Pañcamaḥ paṭalaḥ.33.2

पशुपतिः शिवश्चैव महादेव इति क्रमात्

paśupatiḥ śivaścaiva mahādeva iti kramāt

Pañcamaḥ paṭalaḥ.34

अष्टमूर्तिस् ततो देवि पूजयेत् साधकोत्तमः

aṣṭamūrtis tato devi pūjayet sādhakottamaḥ

Pañcamaḥ paṭalaḥ.34.2

ततो जपेन्महेशानि मुखवाद्यं ततः परम्

tato japenmaheśāni mukhavādyaṃ tataḥ param

Pañcamaḥ paṭalaḥ.35

एतदन्यन्न कर्तव्यं शक्तिदीक्षापरो यदि

etadanyanna kartavyaṃ śaktidīkṣāparo yadi

Toḍalatantra