Caturthaḥ paṭalaḥ.33

नासारन्ध्रात् समानीय पीठे पुष्पं निधाय च

nāsārandhrāt samānīya pīṭhe puṣpaṃ nidhāya ca

Caturthaḥ paṭalaḥ.33.2

ततश्चावाहनं कृत्वा पञ्चमुद्राः प्रदर्शयेत्

tataścāvāhanaṃ kṛtvā pañcamudrāḥ pradarśayet

Caturthaḥ paṭalaḥ.34

षडङ्गेन च सम्पूज्य पुनर्मुद्रां प्रदर्शयेत्

ṣaḍaṅgena ca sampūjya punarmudrāṃ pradarśayet

Caturthaḥ paṭalaḥ.34.2

जीवन्यासं ततः कृत्वा उपचारैः प्रपूजयेत्

jīvanyāsaṃ tataḥ kṛtvā upacāraiḥ prapūjayet

Caturthaḥ paṭalaḥ.35

षडङ्गानि च सम्पूज्य अक्षोभ्यं पूजयेदधः

ṣaḍaṅgāni ca sampūjya akṣobhyaṃ pūjayedadhaḥ

Caturthaḥ paṭalaḥ.35.2

गुरुपङ्क्तिं पूजयित्वा दशमूलेषु पूजयेत्

gurupaṅktiṃ pūjayitvā daśamūleṣu pūjayet

Caturthaḥ paṭalaḥ.36

महापूर्वांश् च काल्यादीन् यजेद्वैरोचनादिकान्

mahāpūrvāṃś ca kālyādīn yajedvairocanādikān

Caturthaḥ paṭalaḥ.36.2

पुनर्देवीं प्रपूज्याथ बलिं दद्याद्विचक्षणः

punardevīṃ prapūjyātha baliṃ dadyādvicakṣaṇaḥ

Caturthaḥ paṭalaḥ.37

प्राणायामं ततः कृत्वा मन्त्रध्यानं समाचरेत्

prāṇāyāmaṃ tataḥ kṛtvā mantradhyānaṃ samācaret

Caturthaḥ paṭalaḥ.37.2

जपं कृत्वा महेशानि देव्या हस्ते समर्पयेत्

japaṃ kṛtvā maheśāni devyā haste samarpayet

Caturthaḥ paṭalaḥ.38

प्राणायामं पुनः कृत्वा तत्त्वस्वीकारमाचरेत्

prāṇāyāmaṃ punaḥ kṛtvā tattvasvīkāramācaret

Caturthaḥ paṭalaḥ.38.2

तस्मै दत्त्वा स्वयं नीत्वा प्रजपेत्

tasmai dattvā svayaṃ nītvā prajapet

Caturthaḥ paṭalaḥ.39

पीत्वा पीत्वा जपित्वा च मुक्तः कोटिजनैः सह

pītvā pītvā japitvā ca muktaḥ koṭijanaiḥ saha

Caturthaḥ paṭalaḥ.39.2

प्रतिपात्रे जपेन्मन्त्रमष्टोत्तरशतं

pratipātre japenmantramaṣṭottaraśataṃ

Caturthaḥ paṭalaḥ.40

स्तुतिं च कवचं स्मृत्वा चाष्टाङ्गं प्रणमेत्

stutiṃ ca kavacaṃ smṛtvā cāṣṭāṅgaṃ praṇamet

Caturthaḥ paṭalaḥ.40.2

विशेषार्घ्यं प्रदातव्यम् आत्मानं च समर्पयेत्

viśeṣārghyaṃ pradātavyam ātmānaṃ ca samarpayet

Caturthaḥ paṭalaḥ.41

रुद्ररूपी स्वयं भूत्वा संहारेण विसर्जयेत्

rudrarūpī svayaṃ bhūtvā saṃhāreṇa visarjayet

Caturthaḥ paṭalaḥ.41.2

योनिमुद्रां ततो बद्ध्वा क्षमस्वेति विसर्जयेत्

yonimudrāṃ tato baddhvā kṣamasveti visarjayet

Caturthaḥ paṭalaḥ.42

अङ्गन्यासं महेशानि प्राणायामं ततः परम्

aṅganyāsaṃ maheśāni prāṇāyāmaṃ tataḥ param

Caturthaḥ paṭalaḥ.42.2

ऐशान्यां मण्डलं कृत्वा निर्माल्येन प्रपूजयेत्

aiśānyāṃ maṇḍalaṃ kṛtvā nirmālyena prapūjayet

Toḍalatantra