2.1

सूर्यदिने धननाशश् चान्द्रे शक्तिक्षयो ऽन्नहानिश् च

sūryadine dhananāśaś cāndre śaktikṣayo 'nnahāniś ca

2.1.2

ज्वलनासृक्पित्तरुजाः कौजे बौधे सुहृत्प्राप्तिः

jvalanāsṛkpittarujāḥ kauje baudhe suhṛtprāptiḥ

2.2

जीवे जयधनलब्धिः शौक्रे स्त्रीवस्त्रगन्धधनलाभाः

jīve jayadhanalabdhiḥ śaukre strīvastragandhadhanalābhāḥ

2.2.2

दैन्यं च बन्धरोगान् प्राप्नोति दिने ऽर्कपुत्रस्य

dainyaṃ ca bandharogān prāpnoti dine 'rkaputrasya

2.3

उपचयकरग्रहदिने सिद्धिः क्रूरे ऽपि यायिनां भवति

upacayakaragrahadine siddhiḥ krūre 'pi yāyināṃ bhavati

2.3.2

सौम्ये ऽप्य् अनुपचयस्थे न भवति यात्रा शुभा यातुः

saumye 'py anupacayasthe na bhavati yātrā śubhā yātuḥ

3.1

गरवणिजाविष्टिवर्जितानि करणानि यातुर् अनिष्टानि

garavaṇijāviṣṭivarjitāni karaṇāni yātur aniṣṭāni

3.1.2

गरम् अपि कैश्चिच् छस्तं वणिजा च वणिक्क्रियास्व् एव

garam api kaiścic chastaṃ vaṇijā ca vaṇikkriyāsv eva

3.2

शिवभुजगमित्रपितृवसुजलविश्वविरिञ्चिपङ्कजप्रभवाः

śivabhujagamitrapitṛvasujalaviśvaviriñcipaṅkajaprabhavāḥ

3.2.2

इन्द्राग्नीन्द्रनिशाचरवरुणार्यमयोनयश् चाह्नि

indrāgnīndraniśācaravaruṇāryamayonayaś cāhni

3.3

रुद्राजाहिर्बुध्न्याः पूषा दखान्तकाग्निधातारः

rudrājāhirbudhnyāḥ pūṣā dakhāntakāgnidhātāraḥ

3.3.2

इन्द्वदितिगुरुहरिरवित्वष्ट्रनिलाख्याः क्षणा रात्रौ

indvaditiguruhariravitvaṣṭranilākhyāḥ kṣaṇā rātrau

3.4

अह्नः पञ्चदशांशो रात्रेश् चैवं मुहूर्त इति संज्ञा

ahnaḥ pañcadaśāṃśo rātreś caivaṃ muhūrta iti saṃjñā

3.4.2

स च विज्ञेयस् तज्ज्ञैश् छायायन्त्राम्बुभिर् युक्त्या

sa ca vijñeyas tajjñaiś chāyāyantrāmbubhir yuktyā

3.5

नक्षत्रवत् क्षणानां परिघादि तदीश्वरैः समं चिन्त्यम्

nakṣatravat kṣaṇānāṃ parighādi tadīśvaraiḥ samaṃ cintyam

3.5.2

फलम् अपि तद् एव दृष्टं गर्गाद्यैस् तत्र च श्लोकाः

phalam api tad eva dṛṣṭaṃ gargādyais tatra ca ślokāḥ

3.6

अहोरात्रं च सम्पूर्णं चन्द्रनक्षत्रयोजितम्

ahorātraṃ ca sampūrṇaṃ candranakṣatrayojitam

3.6.2

तन्नक्षत्रमुहूर्ताश् च समकर्मगुणाः स्मृताः

tannakṣatramuhūrtāś ca samakarmaguṇāḥ smṛtāḥ

3.7

यश् चाष्टमो मुहूर्तो विरिञ्चिनामाभिजित् स निर्दिष्टः

yaś cāṣṭamo muhūrto viriñcināmābhijit sa nirdiṣṭaḥ

3.7.2

तस्मिंस् त्र्य [...

tasmiṃs trya [...

Ṭikanikayātrā