8.44

मग्नस्तन्मूलविस्तारस्तद्द्वयेनोर्ध्वविस्तृतिः

magnastanmūlavistārastaddvayenordhvavistṛtiḥ

8.44.2

सहस्राब्धिवसूच्छ्रायो हैमः सर्वामरालयः

sahasrābdhivasūcchrāyo haimaḥ sarvāmarālayaḥ

8.45

मध्योर्ध्वाधः समुद्वृत्तशरावचतुरश्रकः

madhyordhvādhaḥ samudvṛttaśarāvacaturaśrakaḥ

8.45.2

भैरवीयं च तल्लिङ्गं धरणी चास्य पीठिका

bhairavīyaṃ ca talliṅgaṃ dharaṇī cāsya pīṭhikā

8.46

सर्वे देवा निलीना हि तत्र तत्पूजितं सदा

sarve devā nilīnā hi tatra tatpūjitaṃ sadā

8.46.2

मध्ये मेरुसभा धातुस्तदीशदिशि केतनम्

madhye merusabhā dhātustadīśadiśi ketanam

8.47

ज्योतिष्कशिखरं शंभोः श्रीकण्ठांशश्च स प्रभुः

jyotiṣkaśikharaṃ śaṃbhoḥ śrīkaṇṭhāṃśaśca sa prabhuḥ

8.47.2

अवरुह्य सहस्राणि मनोवत्याश्चतुर्दश

avaruhya sahasrāṇi manovatyāścaturdaśa

8.48

चक्रवाटश्चतुर्दिक्को मेरुरत्र तु लोकपाः

cakravāṭaścaturdikko meruratra tu lokapāḥ

8.48.2

अमरावतिकेन्द्रस्य पूर्वस्यां दक्षिणेन ताम्

amarāvatikendrasya pūrvasyāṃ dakṣiṇena tām

8.49

अप्सरःसिद्धसाध्यास् तामुत्तरेण विनायकाः

apsaraḥsiddhasādhyās tāmuttareṇa vināyakāḥ

8.49.2

तेजोवती स्वदिश्यग्नेः पुरी तां पश्चिमेन तु

tejovatī svadiśyagneḥ purī tāṃ paścimena tu

8.50

विश्वेदेवा विश्वकर्मा क्रमात्तदनुगाश्च ये

viśvedevā viśvakarmā kramāttadanugāśca ye

8.50.2

याम्यां संयमनी तां तु पश्चिमेन क्रमात् स्थिताः

yāmyāṃ saṃyamanī tāṃ tu paścimena kramāt sthitāḥ

8.51

मातृनन्दा स्वसंख्याता रुद्रास्तत्साधकास्तथा

mātṛnandā svasaṃkhyātā rudrāstatsādhakāstathā

8.51.2

कृष्णाङ्गारा निरृतिश्च तां पूर्वेण पिशाचकाः

kṛṣṇāṅgārā nirṛtiśca tāṃ pūrveṇa piśācakāḥ

8.52

रक्षांसि सिद्धगन्धर्वास्तूत्तरेणोत्तरेण ताम्

rakṣāṃsi siddhagandharvāstūttareṇottareṇa tām

8.52.2

वारुणी शुद्धवत्याख्या भूतौघो दक्षिणेन ताम्

vāruṇī śuddhavatyākhyā bhūtaugho dakṣiṇena tām

8.53

उत्तरेणोत्तरेणैनां वसुविद्याधराः क्रमात्

uttareṇottareṇaināṃ vasuvidyādharāḥ kramāt

8.53.2

वायोर्गन्धवती तस्या दक्षिणे किन्नराः पुनः

vāyorgandhavatī tasyā dakṣiṇe kinnarāḥ punaḥ

Tantrāloka