5.43

क्षैण्यजान्या शोषितेति कृच्छ्रसाध्या तु सा स्मृता

kṣaiṇyajānyā śoṣiteti kṛcchrasādhyā tu sā smṛtā

5.43.2

एषां शाखारुजार्तानां अन्धकारे ऽतिनिर्जने

eṣāṃ śākhārujārtānāṃ andhakāre 'tinirjane

5.44

इष्यते स्थानम् अल्पाल्पम् आमिषं साम्बु दापयेत्

iṣyate sthānam alpālpam āmiṣaṃ sāmbu dāpayet

5.44.2

घातजे वोलयुग्मांसं देयं गात्रेऽपि सव्यथे

ghātaje volayugmāṃsaṃ deyaṃ gātre'pi savyathe

5.45

हरिद्रां लेपयेद् युक्त्या सेकः पर्युषिताम्बुना

haridrāṃ lepayed yuktyā sekaḥ paryuṣitāmbunā

5.45.2

श्लेष्मजे मारिचं चूर्णं नस्ये प्राक् संप्रयोजयेत्

śleṣmaje māricaṃ cūrṇaṃ nasye prāk saṃprayojayet

5.46

शिग्रुत्वक्चूर्णयुग्मांसं देयं तप्ताम्बु पाययेत्

śigrutvakcūrṇayugmāṃsaṃ deyaṃ taptāmbu pāyayet

5.46.2

कस्तूरिकापि देया तु तदुपद्रवशान्तये

kastūrikāpi deyā tu tadupadravaśāntaye

5.47

पित्तजे घनसारेण लवङ्गोशीरचन्दनैः

pittaje ghanasāreṇa lavaṅgośīracandanaiḥ

5.47.2

समांसैर्गुटिका देया मांसात् प्रागेव युक्तितः

samāṃsairguṭikā deyā māṃsāt prāgeva yuktitaḥ

5.48

पश्चान्मासं वर्त्तिकादेर् देयम् अल्पं सवारि च

paścānmāsaṃ varttikāder deyam alpaṃ savāri ca

5.48.2

क्षैण्यजा दुर्धरा प्रोक्ता तथापि समुदीर्यते

kṣaiṇyajā durdharā proktā tathāpi samudīryate

5.49

क्रिया किलायुषः शेषे फलन्त्यपि सुयोजिताः

kriyā kilāyuṣaḥ śeṣe phalantyapi suyojitāḥ

5.49.2

शस्यते कलविङ्कादेर् नरासृक्सिक्तम् आमिषम्

śasyate kalaviṅkāder narāsṛksiktam āmiṣam

5.50

अथवा पूजनायास् तत्कालीनं संप्रयोजयेत्

athavā pūjanāyās tatkālīnaṃ saṃprayojayet

5.50.2

किटेर् अपि प्रयोक्तव्यम् अल्पम् अल्पं यथाबलम्

kiṭer api prayoktavyam alpam alpaṃ yathābalam

5.51

धेन्वाश्च नवनीतेन पत्रिणां मिश्रमामिषम्

dhenvāśca navanītena patriṇāṃ miśramāmiṣam

5.51.2

दद्यात्तप्ताम्बु युक्त्या च ततस्तदनुपाययेत्

dadyāttaptāmbu yuktyā ca tatastadanupāyayet

5.52

कर्पूरसंयुतं वारि काले काले प्रदापयेत्

karpūrasaṃyutaṃ vāri kāle kāle pradāpayet

5.52.2

अथैषां शाखिनां शस्ता मिमायी या प्रकीर्त्यते

athaiṣāṃ śākhināṃ śastā mimāyī yā prakīrtyate

Śyainikaśāstra