4.6.2

आदौ विमुद्रयेन्नेत्रे सीवनेन विचक्षणः

ādau vimudrayennetre sīvanena vicakṣaṇaḥ

4.7

यथा न मुखमीक्षेत यथा वा प्रतिशीर्षकैः

yathā na mukhamīkṣeta yathā vā pratiśīrṣakaiḥ

4.7.2

शब्दं च श्रावयेन्नैव यावद्दिवसपञ्चकम्

śabdaṃ ca śrāvayennaiva yāvaddivasapañcakam

4.8

ततः प्रतिनिशं किंचित् सालोके दीपिकादिभिः

tataḥ pratiniśaṃ kiṃcit sāloke dīpikādibhiḥ

4.8.2

नेत्रे निर्मुद्र्य पानीये क्षालयेत् सुखशीतले

netre nirmudrya pānīye kṣālayet sukhaśītale

4.9

किंचित् किंचित् परिचयं कारयेत् श्रावयेत् वचः

kiṃcit kiṃcit paricayaṃ kārayet śrāvayet vacaḥ

4.9.2

एवं क्रमेण हस्तादिस्पर्शैर्वाक्योपलालनैः

evaṃ krameṇa hastādisparśairvākyopalālanaiḥ

4.10

विभक्तकाले पानीयमांसदानेन सान्त्वनैः

vibhaktakāle pānīyamāṃsadānena sāntvanaiḥ

4.10.2

छायातपोपशमनैः क्रमान्नेत्रोपमोचनैः

chāyātapopaśamanaiḥ kramānnetropamocanaiḥ

4.11

कृत्वा रक्तापरक्तत्वं ज्ञेयं चैषां विचेष्टितैः

kṛtvā raktāparaktatvaṃ jñeyaṃ caiṣāṃ viceṣṭitaiḥ

4.11.2

नेत्रे निमील्य तिष्ठन्ति चैकपादेन वै यदा

netre nimīlya tiṣṭhanti caikapādena vai yadā

4.12

चञ्च्वा कण्डूयनं चैव पक्षपाल्योर्विधूननम्

cañcvā kaṇḍūyanaṃ caiva pakṣapālyorvidhūnanam

4.12.2

आस्यावलोकने सौम्यां दृष्टिं संचारयन्ति च

āsyāvalokane saumyāṃ dṛṣṭiṃ saṃcārayanti ca

4.13

तदा रक्तास्तु विज्ञेया विरक्तास्त्वन्यथा तु ते

tadā raktāstu vijñeyā viraktāstvanyathā tu te

4.13.2

रक्तान् ज्ञात्वा रज्जुयुक्तानाह्वयेदामिषादिभिः

raktān jñātvā rajjuyuktānāhvayedāmiṣādibhiḥ

4.14

क्रमेण वर्धयेद् भूमिमाह्वयेच्च द्विशः त्रिशः

krameṇa vardhayed bhūmimāhvayecca dviśaḥ triśaḥ

4.14.2

यदाह्वाने नो विलम्बं कुर्युस् तिर्यङ् न वा गतिम्

yadāhvāne no vilambaṃ kuryus tiryaṅ na vā gatim

4.15

न मांसादेस्तथा कृष्टिं तदा रज्ज्वा विनाह्वयेत्

na māṃsādestathā kṛṣṭiṃ tadā rajjvā vināhvayet

4.15.2

ततो वृक्षाद्युपरि च प्रक्षिप्याह्वाययेत् क्रमात्

tato vṛkṣādyupari ca prakṣipyāhvāyayet kramāt

4.16

कलविङ्ककपोतादिपतत्रिग्रहणं पुनः

kalaviṅkakapotādipatatrigrahaṇaṃ punaḥ

Śyainikaśāstra