3.66

तेषां च घुर्घुरोद्दामराविणि प्रतिधावताम्

teṣāṃ ca ghurghuroddāmarāviṇi pratidhāvatām

3.66.2

काले तद्रौद्रपर्याप्तैर् दन्तादन्ति नखानखि

kāle tadraudraparyāptair dantādanti nakhānakhi

3.67

द्विशस्त्रिशः सावकाशाद्रज्जुमोक्षविशारदैः

dviśastriśaḥ sāvakāśādrajjumokṣaviśāradaiḥ

3.67.2

लक्ष्यमुद्दिश्य च शुनां मोकस् तत्सिद्धिकारकः

lakṣyamuddiśya ca śunāṃ mokas tatsiddhikārakaḥ

3.68

तस्यां शराणां सहसा मोक्षो नान्यत्र शस्यते

tasyāṃ śarāṇāṃ sahasā mokṣo nānyatra śasyate

3.68.2

बाधमानम् अपास्यैकं कोलं कौलेयसिद्धये

bādhamānam apāsyaikaṃ kolaṃ kauleyasiddhaye

3.69

दण्डापि सा त्वर्थयुक्ता प्रयोक्तव्या शशादिषु

daṇḍāpi sā tvarthayuktā prayoktavyā śaśādiṣu

3.69.2

एवं सापि प्रमोदानामास्पदं परिकीर्त्यते

evaṃ sāpi pramodānāmāspadaṃ parikīrtyate

3.70

अस्या एव भिदा कापि कृष्णसारे रुरौ हि यः

asyā eva bhidā kāpi kṛṣṇasāre rurau hi yaḥ

3.70.2

मोकोऽतिरसकृद् येन रज्ज्वा मोकोऽपि स स्मृतः

moko'tirasakṛd yena rajjvā moko'pi sa smṛtaḥ

3.71

यस्यां तन्त्रैर्द्विधा मुक्ताः पतत्रिषु पतन्ति च

yasyāṃ tantrairdvidhā muktāḥ patatriṣu patanti ca

3.71.2

श्येनाः सातीव रसभूः श्येनपातेति कथ्यते

śyenāḥ sātīva rasabhūḥ śyenapāteti kathyate

3.72

श्येनपाता मृगव्येति स्वैरं वान्यस्य वा भवेत्

śyenapātā mṛgavyeti svairaṃ vānyasya vā bhavet

3.72.2

स्वैरमारण्यकानां चेत् मृगव्येति निरर्थकम्

svairamāraṇyakānāṃ cet mṛgavyeti nirarthakam

3.73

मृगान् शशादा गृह्णन्तीत्येवं यदि सदर्थकम्

mṛgān śaśādā gṛhṇantītyevaṃ yadi sadarthakam

3.73.2

तदा सिंहादिषु पुनः कथं नैतत्प्रयुज्यते

tadā siṃhādiṣu punaḥ kathaṃ naitatprayujyate

3.74

यत्रानेकार्थमसकृत् मृग्यन्ते प्राणिनः पराः

yatrānekārthamasakṛt mṛgyante prāṇinaḥ parāḥ

3.74.2

सा मृगव्येति निर्दिष्टा सा तिरश्चां न विद्यते

sā mṛgavyeti nirdiṣṭā sā tiraścāṃ na vidyate

3.75

ते तु स्वोदरपर्य्याप्तिमात्रमांसाय केवलम्

te tu svodaraparyyāptimātramāṃsāya kevalam

3.75.2

हिंसन्ति न तु चैतेषां अर्थोऽन्यत्रानुबध्यते

hiṃsanti na tu caiteṣāṃ artho'nyatrānubadhyate

Śyainikaśāstra