Dharmalib

Śyainikaśāstra

falconry

1–20 of 745 verses

1.1

त्रैलोक्यश्रेयसे विष्णोर्यन्मित्रं साम्परायिकम्

trailokyaśreyase viṣṇoryanmitraṃ sāmparāyikam

1.1.2

सापत्नमिन्द्रस्य च तत् वन्दे गारुत्मतं महः

sāpatnamindrasya ca tat vande gārutmataṃ mahaḥ

1.2

कामशास्त्रानभिज्ञानां कामः किं नु न गोचरः

kāmaśāstrānabhijñānāṃ kāmaḥ kiṃ nu na gocaraḥ

1.2.2

तथापि मुनिभिः शास्त्रं निर्मितं तत्त्वसंविदे

tathāpi munibhiḥ śāstraṃ nirmitaṃ tattvasaṃvide

1.3

आ पामरप्रसिद्धोऽपि तथैव मृगसारसः

ā pāmaraprasiddho'pi tathaiva mṛgasārasaḥ

1.3.2

श्यैनिकज्ञस्य हृदये विशेषान्मुदमृच्छति

śyainikajñasya hṛdaye viśeṣānmudamṛcchati

1.4

इति सद्रसनिष्पत्त्यै श्यैनिकं सप्रयोजनम्

iti sadrasaniṣpattyai śyainikaṃ saprayojanam

1.4.2

विविच्यते मृगयायाः समासव्यासयोगतः

vivicyate mṛgayāyāḥ samāsavyāsayogataḥ

1.5

नृणां प्राग्दृष्टभोगाप्त्यै विनोदा मनसो मुदे

nṛṇāṃ prāgdṛṣṭabhogāptyai vinodā manaso mude

1.5.2

सृष्टा विश्वसृजा कार्त्स्न्यात् के तान् गणितुमीशते

sṛṣṭā viśvasṛjā kārtsnyāt ke tān gaṇitumīśate

1.6

तेषु येऽष्टादश प्रोक्ता व्यसनानीति यान् विदुः

teṣu ye'ṣṭādaśa proktā vyasanānīti yān viduḥ

1.6.2

तैर्विना नेन्द्रियफलं न एव रसभूमयः

tairvinā nendriyaphalaṃ na eva rasabhūmayaḥ

1.7

सेव्यमानाः सुखायालं भवन्ति प्राणिनां च ते

sevyamānāḥ sukhāyālaṃ bhavanti prāṇināṃ ca te

1.7.2

यथाकालं यथापोषं विशेषेण महीभृताम्

yathākālaṃ yathāpoṣaṃ viśeṣeṇa mahībhṛtām

1.8

व्यसनानीति सततं शास्त्रकारैर्विनिन्दिताः

vyasanānīti satataṃ śāstrakārairvininditāḥ

1.8.2

श्रूयन्ते चेतिहासाश्च तद्रक्तभ्रंशसूचकाः

śrūyante cetihāsāśca tadraktabhraṃśasūcakāḥ

1.9

यदि सर्वात्मनासेव्याः स्मरस्मेरालसेक्षणाः

yadi sarvātmanāsevyāḥ smarasmerālasekṣaṇāḥ

1.9.2

पुन्नाम्नो नरकात् त्रात्री भवेत् क्व जनिरौरसी

punnāmno narakāt trātrī bhavet kva janiraurasī

1.10

निषिद्धैव मृगव्या चेत्तर्हि यागादिसाधनम्

niṣiddhaiva mṛgavyā cettarhi yāgādisādhanam

1.10.2

क्व मांसाजिनशृङ्गादि लभ्यते विधिनोदितम्

kva māṃsājinaśṛṅgādi labhyate vidhinoditam