6.3

धवाश्वकर्णशिरीषतिनिशपलाशपिचुमर्दपाटलिपारिभद्रकाम्रोदुम्बरकरहाटकार्जुनककुभसर्जकपीतनश्लेष्मातकाङ्कोठामलकप्रग्रहकुटजशमीकपित्थाश्मन्तकार्कचिरबिल्वमहावृक्षारुष्करारलुमधुकमधुशिग्रुशाकगोजीमूर्वाभूर्जतिल्वकेक्षुरकगोपघोण्टारिमेदानां भस्मान्याहृत्य गवां मूत्रेण क्षारकल्पेन परिस्राव्य विपचेत् दद्याच्चात्र पिप्पलीमूलतण्डुलीयकवराङ्गचोचमञ्जिष्ठाकरञ्जिकाहस्तिपिप्पलीमरिचविडङ्गगृहधूमानन्तासोमसरलाबाह्लीकगुहाकोशाम्र श्वेतसर्षपवरुणलवणप्लक्षनिचुलकवञ्जुलवक्रालवर्धमानपुत्रश्रेणीसप्तपर्णटुण्टुकैलवालुकनागदन्त्यतिविषाभयाभद्रदारुकुष्ठहरिद्रावचाचूर्णानि लोहानां च समभागानि ततः क्षारवदागतपाकमवतार्य लोहकुम्भे निदध्यात्

dhavāśvakarṇaśirīṣatiniśapalāśapicumardapāṭalipāribhadrakāmrodumbarakarahāṭakārjunakakubhasarjakapītanaśleṣmātakāṅkoṭhāmalakapragrahakuṭajaśamīkapitthāśmantakārkacirabilvamahāvṛkṣāruṣkarāralumadhukamadhuśigruśākagojīmūrvābhūrjatilvakekṣurakagopaghoṇṭārimedānāṃ bhasmānyāhṛtya gavāṃ mūtreṇa kṣārakalpena parisrāvya vipacet dadyāccātra pippalīmūlataṇḍulīyakavarāṅgacocamañjiṣṭhākarañjikāhastipippalīmaricaviḍaṅgagṛhadhūmānantāsomasaralābāhlīkaguhākośāmra śvetasarṣapavaruṇalavaṇaplakṣaniculakavañjulavakrālavardhamānaputraśreṇīsaptaparṇaṭuṇṭukailavālukanāgadantyativiṣābhayābhadradārukuṣṭhaharidrāvacācūrṇāni lohānāṃ ca samabhāgāni tataḥ kṣāravadāgatapākamavatārya lohakumbhe nidadhyāt

6.4

अनेन दुन्दुभिं लिम्पेत् पताकां तोरणानि च

anena dundubhiṃ limpet patākāṃ toraṇāni ca

6.4.2

श्रवणाद्दर्शनात् स्पर्शात् विषात् संप्रतिमुच्यते

śravaṇāddarśanāt sparśāt viṣāt saṃpratimucyate

6.5

एष क्षारागदो नाम शर्करास्वश्मरीषु च

eṣa kṣārāgado nāma śarkarāsvaśmarīṣu ca

6.5.2

अर्शःसु वातगुल्मेषु कासशूलोदरेषु च

arśaḥsu vātagulmeṣu kāsaśūlodareṣu ca

6.6

अजीर्णे ग्रहणीदोषे भक्तद्वेषे च दारुणे

ajīrṇe grahaṇīdoṣe bhaktadveṣe ca dāruṇe

6.6.2

शोफे सर्वसरे चापि देयः श्वासे च दारुणे

śophe sarvasare cāpi deyaḥ śvāse ca dāruṇe

6.7

सदा सर्वविषार्तानां सर्वथैवोपयुज्यते

sadā sarvaviṣārtānāṃ sarvathaivopayujyate

6.7.2

एष तक्षकमुख्यानाम् अपि दर्पाङ्कुशो ऽगदः

eṣa takṣakamukhyānām api darpāṅkuśo 'gadaḥ

6.8

विडङ्गत्रिफलादन्तीभद्रदारुहरेणवः

viḍaṅgatriphalādantībhadradāruhareṇavaḥ

6.8.2

तालीशपत्रमञ्जिष्ठाकेशरोत्पलपद्मकम्

tālīśapatramañjiṣṭhākeśarotpalapadmakam

6.9

दाडिमं मालतीपुष्पं रजन्यौ सारिवे स्थिरे

dāḍimaṃ mālatīpuṣpaṃ rajanyau sārive sthire

6.9.2

प्रियङ्गुस्तगरं कुष्ठं बृहत्यौ चैलवालुकम्

priyaṅgustagaraṃ kuṣṭhaṃ bṛhatyau cailavālukam

6.10

सचन्दनगवाक्षीभिर् एतैः सिद्धं विषापहम्

sacandanagavākṣībhir etaiḥ siddhaṃ viṣāpaham

6.10.2

सर्पिः कल्याणकं ह्येतद्ग्रहापस्मारनाशनम्

sarpiḥ kalyāṇakaṃ hyetadgrahāpasmāranāśanam

6.11

पाण्ड्वामयगरश्वासमन्दाग्निज्वरकासनुत्

pāṇḍvāmayagaraśvāsamandāgnijvarakāsanut

6.11.2

शोषिणामल्पशुक्राणां वन्ध्यानां च प्रशस्यते

śoṣiṇāmalpaśukrāṇāṃ vandhyānāṃ ca praśasyate

6.12

अपामार्गस्य बीजानि शिरीषस्य च माषकान्

apāmārgasya bījāni śirīṣasya ca māṣakān

6.12.2

श्वेते द्वे काकमाचीं च गवां मूत्रेण पेषयेत्

śvete dve kākamācīṃ ca gavāṃ mūtreṇa peṣayet

6.13

सर्पिरेतैस्तु संसिद्धं विषसंशमनं परम्

sarpiretaistu saṃsiddhaṃ viṣasaṃśamanaṃ param

Suśrutasaṃhitā