5.8.2

सा तु रज्ज्वादिभिर् बद्धा विषप्रतिकरी मता

sā tu rajjvādibhir baddhā viṣapratikarī matā

5.9

देवब्रह्मर्षिभिः प्रोक्ता मन्त्राः सत्यतपोमयाः

devabrahmarṣibhiḥ proktā mantrāḥ satyatapomayāḥ

5.9.2

भवन्ति नान्यथा क्षिप्रं विषं हन्युः सुदुस्तरम्

bhavanti nānyathā kṣipraṃ viṣaṃ hanyuḥ sudustaram

5.10

विषं तेजोमयैर् मन्त्रैः सत्यब्रह्मतपोमयैः

viṣaṃ tejomayair mantraiḥ satyabrahmatapomayaiḥ

5.10.2

यथा निवार्यते क्षिप्रं प्रयुक्तैर् न तथौषधैः

yathā nivāryate kṣipraṃ prayuktair na tathauṣadhaiḥ

5.11

मन्त्राणां ग्रहणं कार्यं स्त्रीमांसमधुवर्जिना

mantrāṇāṃ grahaṇaṃ kāryaṃ strīmāṃsamadhuvarjinā

5.11.2

मिताहारेण शुचिना कुशास्तरणशायिना

mitāhāreṇa śucinā kuśāstaraṇaśāyinā

5.12

गन्धमाल्योपहारैश्च बलिभिश्चापि देवताः

gandhamālyopahāraiśca balibhiścāpi devatāḥ

5.12.2

पूजयेन्मन्त्रसिद्ध्यर्थं जपहोमैश्च यत्नतः

pūjayenmantrasiddhyarthaṃ japahomaiśca yatnataḥ

5.13

मन्त्रास्त्वविधिना प्रोक्ता हीना वा स्वरवर्णतः

mantrāstvavidhinā proktā hīnā vā svaravarṇataḥ

5.13.2

यस्मान्न सिद्धिमायान्ति तस्माद् योज्यो ऽगदक्रमः

yasmānna siddhimāyānti tasmād yojyo 'gadakramaḥ

5.14

समन्ततः सिरा दंशाद्विध्येत्तु कुशलो भिषक्

samantataḥ sirā daṃśādvidhyettu kuśalo bhiṣak

5.14.2

शाखाग्रे वा ललाटे वा व्यध्यास्ता विसृते विषे

śākhāgre vā lalāṭe vā vyadhyāstā visṛte viṣe

5.15

रक्ते निर्ह्रियमाणे तु कृत्स्नं निर्ह्रियते विषम्

rakte nirhriyamāṇe tu kṛtsnaṃ nirhriyate viṣam

5.15.2

तस्माद् विस्रावयेद्रक्तं सा ह्यस्य परमा क्रिया

tasmād visrāvayedraktaṃ sā hyasya paramā kriyā

5.16

समन्तादगदैर् दंशं प्रच्छयित्वा प्रलेपयेत्

samantādagadair daṃśaṃ pracchayitvā pralepayet

5.16.2

चन्दनोशीरयुक्तेन वारिणा परिषेचयेत्

candanośīrayuktena vāriṇā pariṣecayet

5.17

पाययेतागदांस्तांस्तान् क्षीरक्षौद्रघृतादिभिः

pāyayetāgadāṃstāṃstān kṣīrakṣaudraghṛtādibhiḥ

5.17.2

तदलाभे हिता वा स्यात् कृष्णा वल्मीकमृत्तिका

tadalābhe hitā vā syāt kṛṣṇā valmīkamṛttikā

5.18

कोविदारशिरीषार्ककटभीर्वापि भक्षयेत्

kovidāraśirīṣārkakaṭabhīrvāpi bhakṣayet

Suśrutasaṃhitā