2.9.3

अकालविद्युत्स्तनयित्नुघोषे स्वतन्त्रराष्ट्रक्षितिपव्यथासु

akālavidyutstanayitnughoṣe svatantrarāṣṭrakṣitipavyathāsu

2.10

श्मशानयानाद्यतनाहवेषु महोत्सवौत्पातिकदर्शनेषु

śmaśānayānādyatanāhaveṣu mahotsavautpātikadarśaneṣu

2.10.2

नाध्येयमन्येषु च येषु विप्रा नाधीयते नाशुचिना च नित्यम्

nādhyeyamanyeṣu ca yeṣu viprā nādhīyate nāśucinā ca nityam

3.1

अथातो ऽध्ययनसंप्रदानीयम् अध्यायं व्याख्यास्यामः

athāto 'dhyayanasaṃpradānīyam adhyāyaṃ vyākhyāsyāmaḥ

3.2

यथोवाच भगवान् धन्वन्तरिः

yathovāca bhagavān dhanvantariḥ

3.3

प्रागभिहितं सविंशम् अध्यायशतं पञ्चसु स्थानेषु

prāgabhihitaṃ saviṃśam adhyāyaśataṃ pañcasu sthāneṣu

3.3.2

तत्र सूत्रस्थानम् अध्यायाः षट्चत्वारिंशत् षोडश निदानानि दश शारीराणि चत्वारिंशच् चिकित्सितानि अष्टौ कल्पाः तद् उत्तरं षट्सष्टिः

tatra sūtrasthānam adhyāyāḥ ṣaṭcatvāriṃśat ṣoḍaśa nidānāni daśa śārīrāṇi catvāriṃśac cikitsitāni aṣṭau kalpāḥ tad uttaraṃ ṣaṭsaṣṭiḥ

3.4

वेदोत्पत्तिः शिष्यनयस् तथाध्ययनदानिकः

vedotpattiḥ śiṣyanayas tathādhyayanadānikaḥ

3.4.2

प्रभाषणाग्रहरणाव् ऋतुचर्याथ यान्त्रिकः

prabhāṣaṇāgraharaṇāv ṛtucaryātha yāntrikaḥ

3.5

शस्त्रावचारणं योग्या विशिखा क्षारकल्पनम्

śastrāvacāraṇaṃ yogyā viśikhā kṣārakalpanam

3.5.2

अग्निकर्मजलौकाख्याव् अध्यायौ रक्तवर्णनम्

agnikarmajalaukākhyāv adhyāyau raktavarṇanam

3.6

दोषधातुमलाद्यानां विज्ञानाध्याय एव च

doṣadhātumalādyānāṃ vijñānādhyāya eva ca

3.6.2

कर्णव्यधामपक्वैषाव् आलेपो व्रण्युपासनम्

karṇavyadhāmapakvaiṣāv ālepo vraṇyupāsanam

3.7

हिताहितो व्रणप्रश्नो व्रणास्रावश् च यः पृथक्

hitāhito vraṇapraśno vraṇāsrāvaś ca yaḥ pṛthak

3.7.2

कृत्याकृत्यविधिर्व्याधिसमुद्देशीय एव च

kṛtyākṛtyavidhirvyādhisamuddeśīya eva ca

3.8

विनिश्चयः शस्त्रविधौ प्रनष्टज्ञानिकस् तथा

viniścayaḥ śastravidhau pranaṣṭajñānikas tathā

3.8.2

शल्योद्धृतिर्व्रणज्ञानं दूतस्वप्ननिदर्शनम्

śalyoddhṛtirvraṇajñānaṃ dūtasvapnanidarśanam

3.9

पञ्चेन्द्रियं तथा छाया स्वभावाद्वैकृतं तथा

pañcendriyaṃ tathā chāyā svabhāvādvaikṛtaṃ tathā

3.9.2

वारणो युक्तसेनीय आतुरक्रमभूमिकौ

vāraṇo yuktasenīya āturakramabhūmikau

3.10

मिश्रकाख्यो द्रव्यगणः संशुद्धौ शमने च यः

miśrakākhyo dravyagaṇaḥ saṃśuddhau śamane ca yaḥ

Suśrutasaṃhitā