3.53.2

सन्ध्यन्ते वा क्रियां कुर्यात् सव्रणे व्रणभग्नवत्

sandhyante vā kriyāṃ kuryāt savraṇe vraṇabhagnavat

3.54

ऊर्ध्वकाये तु भग्नानां मस्तिष्क्यं कर्णपूरणम्

ūrdhvakāye tu bhagnānāṃ mastiṣkyaṃ karṇapūraṇam

3.54.2

घृतपानं हितं नस्यं प्रशाखास्वनुवासनम्

ghṛtapānaṃ hitaṃ nasyaṃ praśākhāsvanuvāsanam

3.55

अत ऊर्ध्वं प्रवक्ष्यामि तैलं भग्नप्रसाधकम्

ata ūrdhvaṃ pravakṣyāmi tailaṃ bhagnaprasādhakam

3.55.2

रात्रौ रात्रौ तिलान् कृष्णान् वासयेदस्थिरे जले

rātrau rātrau tilān kṛṣṇān vāsayedasthire jale

3.56

दिवा दिवा शोषयित्वा गवां क्षीरेण भावयेत्

divā divā śoṣayitvā gavāṃ kṣīreṇa bhāvayet

3.56.2

तृतीयं सप्तरात्रं तु भावयेन्मधुकाम्बुना

tṛtīyaṃ saptarātraṃ tu bhāvayenmadhukāmbunā

3.57

ततः क्षीरं पुनः पीतान् सुशुष्कांश्चूर्णयेद्भिषक्

tataḥ kṣīraṃ punaḥ pītān suśuṣkāṃścūrṇayedbhiṣak

3.57.2

काकोल्यादिं सयष्ट्याह्वं मञ्जिष्ठां सारिवां तथा

kākolyādiṃ sayaṣṭyāhvaṃ mañjiṣṭhāṃ sārivāṃ tathā

3.58

कुष्ठं सर्जरसं मांसीं सुरदारु सचन्दनम्

kuṣṭhaṃ sarjarasaṃ māṃsīṃ suradāru sacandanam

3.58.2

शतपुष्पां च संचूर्ण्य तिलचूर्णेन योजयेत्

śatapuṣpāṃ ca saṃcūrṇya tilacūrṇena yojayet

3.59

पीडनार्थं च कर्तव्यं सर्वगन्धशृतं पयः

pīḍanārthaṃ ca kartavyaṃ sarvagandhaśṛtaṃ payaḥ

3.59.2

चतुर्गुणेन पयसा तत्तैलं विपचेद्भिषक्

caturguṇena payasā tattailaṃ vipacedbhiṣak

3.60

एलामंशुमतीं पत्रं जीवकं तगरं तथा

elāmaṃśumatīṃ patraṃ jīvakaṃ tagaraṃ tathā

3.60.2

रोध्रं प्रपौण्डरीकं च तथा कालानुसारिणम्

rodhraṃ prapauṇḍarīkaṃ ca tathā kālānusāriṇam

3.61

सैरेयकं क्षीरशुक्लामनन्तां समधूलिकाम्

saireyakaṃ kṣīraśuklāmanantāṃ samadhūlikām

3.61.2

पिष्ट्वा शृङ्गाटकं चैव पूर्वोक्तान्यौषधानि च

piṣṭvā śṛṅgāṭakaṃ caiva pūrvoktānyauṣadhāni ca

3.62

एभिस्तद्विपचेत्तैलं शास्त्रविन्मृदुनाग्निना

ebhistadvipacettailaṃ śāstravinmṛdunāgninā

3.62.2

एतत्तैलं सदा पथ्यं भग्नानां सर्वकर्मसु

etattailaṃ sadā pathyaṃ bhagnānāṃ sarvakarmasu

3.63

आक्षेपके पक्षघाते तालुशोषे तथार्दिते

ākṣepake pakṣaghāte tāluśoṣe tathārdite

Suśrutasaṃhitā