2.59.2

भवत्यन्तःप्रवेशस्तु यथा निर्धुनुयुस् तथा

bhavatyantaḥpraveśastu yathā nirdhunuyus tathā

2.60

तथान्त्राणि विशन्त्यन्तः स्वां कलां पीडयन्ति च

tathāntrāṇi viśantyantaḥ svāṃ kalāṃ pīḍayanti ca

2.60.2

व्रणाल्पत्वाद् बहुत्वाद् वा दुष्प्रवेशं भवेत्तु यत्

vraṇālpatvād bahutvād vā duṣpraveśaṃ bhavettu yat

2.61

तदापाट्य प्रमाणेन भिषगन्त्रं प्रवेशयेत्

tadāpāṭya pramāṇena bhiṣagantraṃ praveśayet

2.61.2

यथास्थानं निविष्टे च व्रणं सीव्येदतन्द्रितः

yathāsthānaṃ niviṣṭe ca vraṇaṃ sīvyedatandritaḥ

2.62

स्थानादपेतमादत्ते प्राणान् गुपितम् एव वा

sthānādapetamādatte prāṇān gupitam eva vā

2.62.2

वेष्टयित्वा तु पट्टेन घृतसेकं प्रदापयेत्

veṣṭayitvā tu paṭṭena ghṛtasekaṃ pradāpayet

2.63

घृतं पिबेत् सुखोष्णं च चित्रातैलसमन्वितम्

ghṛtaṃ pibet sukhoṣṇaṃ ca citrātailasamanvitam

2.63.2

मृदुक्रियार्थं शकृतो वायोश्चाधःप्रवृत्तये

mṛdukriyārthaṃ śakṛto vāyoścādhaḥpravṛttaye

2.64

ततस्तैलमिदं कुर्याद्रोपणार्थं चिकित्सकः

tatastailamidaṃ kuryādropaṇārthaṃ cikitsakaḥ

2.64.2

त्वचो ऽश्वकर्णधवयोर् मोचकीमेषशृङ्गयोः

tvaco 'śvakarṇadhavayor mocakīmeṣaśṛṅgayoḥ

2.65

शल्लक्यर्जुनयोश् चापि विदार्याः क्षीरिणां तथा

śallakyarjunayoś cāpi vidāryāḥ kṣīriṇāṃ tathā

2.65.2

बलामूलानि चाहृत्य तैलमेतैर् विपाचयेत्

balāmūlāni cāhṛtya tailametair vipācayet

2.66

व्रणं संरोपयेत्तेन वर्षमात्रं यतेत च

vraṇaṃ saṃropayettena varṣamātraṃ yateta ca

2.66.2

पादौ निरस्तमुष्कस्य जलेन प्रोक्ष्य चाक्षिणी

pādau nirastamuṣkasya jalena prokṣya cākṣiṇī

2.67

प्रवेश्य तुन्नसेवन्या मुष्कौ सीव्येत्ततः परम्

praveśya tunnasevanyā muṣkau sīvyettataḥ param

2.67.2

कार्यो गोफणिकाबन्धः कट्याम् आवेश्य यन्त्रकम्

kāryo gophaṇikābandhaḥ kaṭyām āveśya yantrakam

2.68

न कुर्यात् स्नेहसेकं च तेन क्लिद्यति हि व्रणः

na kuryāt snehasekaṃ ca tena klidyati hi vraṇaḥ

2.68.2

कालानुसार्यागुर्वेलाजातीचन्दनपद्मकैः

kālānusāryāgurvelājātīcandanapadmakaiḥ

2.69

शिलादार्व्यमृतातुत्थैस्तैलं कुर्वीत रोपणम्

śilādārvyamṛtātutthaistailaṃ kurvīta ropaṇam

Suśrutasaṃhitā