1.88.2

तथैव खलु दुःशोध्याञ्शोधयेत् क्षारकर्मणा

tathaiva khalu duḥśodhyāñśodhayet kṣārakarmaṇā

1.89

स्रवतो ऽश्मभवान्मूत्रं ये चान्ये रक्तवाहिनः

sravato 'śmabhavānmūtraṃ ye cānye raktavāhinaḥ

1.89.2

निःशेषच्छिन्नसन्धींश्च साधयेदग्निकर्मणा

niḥśeṣacchinnasandhīṃśca sādhayedagnikarmaṇā

1.90

दुरूढत्वात्तु शुक्लानां कृष्णकर्म हितं भवेत्

durūḍhatvāttu śuklānāṃ kṛṣṇakarma hitaṃ bhavet

1.90.2

भल्लातकान् वासयेत्तु क्षीरे प्राङ्मूत्रभावितान्

bhallātakān vāsayettu kṣīre prāṅmūtrabhāvitān

1.90.3

ततो द्विधा छेदयित्वा लौहे कुम्भे निधापयेत्

tato dvidhā chedayitvā lauhe kumbhe nidhāpayet

1.91

कुम्भे ऽन्यस्मिन् निखाते तु तं कुम्भमथ योजयेत्

kumbhe 'nyasmin nikhāte tu taṃ kumbhamatha yojayet

1.91.2

मुखं मुखेन संधाय गोमयैर् दाहयेत्ततः

mukhaṃ mukhena saṃdhāya gomayair dāhayettataḥ

1.92

यः स्नेहश्च्यवते तस्माद् ग्राहयेत्तं शनैर् भिषक्

yaḥ snehaścyavate tasmād grāhayettaṃ śanair bhiṣak

1.92.2

ग्राम्यानूपशफान् दग्ध्वा सूक्ष्मचूर्णानि कारयेत्

grāmyānūpaśaphān dagdhvā sūkṣmacūrṇāni kārayet

1.93

तैलेनानेन संसृष्टं शुक्लमालेपयेद्व्रणम्

tailenānena saṃsṛṣṭaṃ śuklamālepayedvraṇam

1.93.2

भल्लातकविधानेन सारस्नेहांस्तु कारयेत्

bhallātakavidhānena sārasnehāṃstu kārayet

1.94

ये च केचित् फलस्नेहा विधानं तेषु पूर्ववत्

ye ca kecit phalasnehā vidhānaṃ teṣu pūrvavat

1.94.2

दुरूढत्वात्तु कृष्णानां पाण्डुकर्म हितं भवेत्

durūḍhatvāttu kṛṣṇānāṃ pāṇḍukarma hitaṃ bhavet

1.95

सप्तरात्रं स्थितं क्षीरे छागले रोहिणीफलम्

saptarātraṃ sthitaṃ kṣīre chāgale rohiṇīphalam

1.95.2

तेनैव पिष्टं सुश्लक्ष्णं सवर्णकरणं हितम्

tenaiva piṣṭaṃ suślakṣṇaṃ savarṇakaraṇaṃ hitam

1.96

नवं कपालिकाचूर्णं वैदुलं सर्जनाम च

navaṃ kapālikācūrṇaṃ vaidulaṃ sarjanāma ca

1.96.2

कासीसं मधुकं चैव क्षौद्रयुक्तं प्रलेपयेत्

kāsīsaṃ madhukaṃ caiva kṣaudrayuktaṃ pralepayet

1.97

कपित्थम् उद्धृते मांसे मूत्रेणाजेन पूरयेत्

kapittham uddhṛte māṃse mūtreṇājena pūrayet

1.97.2

कासीसं रोचनां तुत्थं हरितालं मनःशिलाम्

kāsīsaṃ rocanāṃ tutthaṃ haritālaṃ manaḥśilām

Suśrutasaṃhitā