9.19.2

अधिष्ठानविशेषेण लिङ्गं शृणु विशेषतः

adhiṣṭhānaviśeṣeṇa liṅgaṃ śṛṇu viśeṣataḥ

9.20

गुदे वातनिरोधस्तु बस्तौ कृच्छ्राल्पमूत्रता

gude vātanirodhastu bastau kṛcchrālpamūtratā

9.20.2

नाभ्यां हिक्का तथाटोपः कुक्षौ मारुतकोपनम्

nābhyāṃ hikkā tathāṭopaḥ kukṣau mārutakopanam

9.21

कटीपृष्ठग्रहस्तीव्रो वङ्क्षणोत्थे तु विद्रधौ

kaṭīpṛṣṭhagrahastīvro vaṅkṣaṇotthe tu vidradhau

9.21.2

वृक्कयोः पार्श्वसंकोचः प्लीह्न्युच्छ्वासावरोधनम्

vṛkkayoḥ pārśvasaṃkocaḥ plīhnyucchvāsāvarodhanam

9.22

सर्वाङ्गप्रग्रहस्तीव्रो हृदि शूलश् च दारुणः

sarvāṅgapragrahastīvro hṛdi śūlaś ca dāruṇaḥ

9.22.2

श्वासो यकृति तृष्णा च पिपासा क्लोमजे ऽधिका

śvāso yakṛti tṛṣṇā ca pipāsā klomaje 'dhikā

9.23

आमो वा यदि वा पक्वो महान् वा यदि वेतरः

āmo vā yadi vā pakvo mahān vā yadi vetaraḥ

9.23.2

सर्वो मर्मोत्थितश् चापि विद्रधिः कष्ट उच्यते

sarvo marmotthitaś cāpi vidradhiḥ kaṣṭa ucyate

9.24

नाभेरुपरिजाः पक्वा यान्त्यूर्ध्वमितरे त्वधः

nābheruparijāḥ pakvā yāntyūrdhvamitare tvadhaḥ

9.24.2

जीवत्यधो निःस्रुतेषु स्रुतेषूर्ध्वं न जीवति

jīvatyadho niḥsruteṣu sruteṣūrdhvaṃ na jīvati

9.25

हृन्नाभिबस्तिवर्ज्या ये तेषु भिन्नेषु बाह्यतः

hṛnnābhibastivarjyā ye teṣu bhinneṣu bāhyataḥ

9.25.2

जीवेत् कदाचित् पुरुषो नेतरेषु कदाचन

jīvet kadācit puruṣo netareṣu kadācana

9.26

स्त्रीणामपप्रजातानां प्रजातानां तथाहितैः

strīṇāmapaprajātānāṃ prajātānāṃ tathāhitaiḥ

9.26.2

दाहज्वरकरो घोरो जायते रक्तविद्रधिः

dāhajvarakaro ghoro jāyate raktavidradhiḥ

9.27

अपि सम्यक्प्रजातानामसृक् कायाद् अनिःसृतम्

api samyakprajātānāmasṛk kāyād aniḥsṛtam

9.27.2

रक्तजं विद्रधिं कुर्यात् कुक्षौ मक्कल्लसंज्ञितम्

raktajaṃ vidradhiṃ kuryāt kukṣau makkallasaṃjñitam

9.28

सप्ताहान्नोपशान्तश् चेत् ततो ऽसौ सम्प्रपच्यते

saptāhānnopaśāntaś cet tato 'sau samprapacyate

9.28.2

विशेषमथ वक्ष्यामि स्पष्टं विद्रधिगुल्मयोः

viśeṣamatha vakṣyāmi spaṣṭaṃ vidradhigulmayoḥ

9.29

गुल्मदोषसमुत्थानाद् विद्रधेर् गुल्मकस्य च

gulmadoṣasamutthānād vidradher gulmakasya ca

Suśrutasaṃhitā