1.22

अतिक्रुद्धः प्रहृष्टो वा किं करोमीति वा मृशन्

atikruddhaḥ prahṛṣṭo vā kiṃ karomīti vā mṛśan

1.22.2

धावन्वा यत्पदं गच्छेत् तत्र स्पन्दः प्रतिष्ठितः

dhāvanvā yatpadaṃ gacchet tatra spandaḥ pratiṣṭhitaḥ

1.23

यामवस्थां समालम्ब्य यदयं मम वक्ष्यति

yāmavasthāṃ samālambya yadayaṃ mama vakṣyati

1.23.2

तदवश्यं करिष्ये ऽहमिति संकल्प्य तिष्ठति

tadavaśyaṃ kariṣye 'hamiti saṃkalpya tiṣṭhati

1.24

तामाश्रित्योर्ध्वमार्गेण चन्द्रसूर्याव् उभाव् अपि

tāmāśrityordhvamārgeṇa candrasūryāv ubhāv api

1.24.2

सौषुम्नेऽध्वन्य् अस्तमितो हित्वा ब्रह्माण्डगोचरम्

sauṣumne'dhvany astamito hitvā brahmāṇḍagocaram

1.25

तदा तस्मिन्महाव्योम्नि प्रलीनशशिभास्करे

tadā tasminmahāvyomni pralīnaśaśibhāskare

1.25.2

सौषुप्तपदवन् मूढः प्रबुद्धः स्याद् अनावृतः

sauṣuptapadavan mūḍhaḥ prabuddhaḥ syād anāvṛtaḥ

Dvitīyo niḥṣyandaḥ.1

तदाक्रम्य बलं मन्त्राः सर्वज्ञबलशालिनः

tadākramya balaṃ mantrāḥ sarvajñabalaśālinaḥ

Dvitīyo niḥṣyandaḥ.1.2

प्रवर्तन्तेऽधिकाराय करणानीव देहिनाम्

pravartante'dhikārāya karaṇānīva dehinām

Dvitīyo niḥṣyandaḥ.2

तत्रैव सम्प्रलीयन्ते शान्तरूपा निरञ्जनाः

tatraiva sampralīyante śāntarūpā nirañjanāḥ

Dvitīyo niḥṣyandaḥ.2.2

सहाराधकचित्तेन तेनैते शिवधर्मिणः

sahārādhakacittena tenaite śivadharmiṇaḥ

Dvitīyo niḥṣyandaḥ.3

यस्मात्सर्वमयो जीवः सर्वभावसमुद्भवात्

yasmātsarvamayo jīvaḥ sarvabhāvasamudbhavāt

Dvitīyo niḥṣyandaḥ.3.2

तत्संवेदनरूपेण तादात्म्यप्रतिपत्तितः

tatsaṃvedanarūpeṇa tādātmyapratipattitaḥ

Dvitīyo niḥṣyandaḥ.4

तस्माच्छब्दार्थचिन्तासु न सावस्था न या शिवः

tasmācchabdārthacintāsu na sāvasthā na yā śivaḥ

Dvitīyo niḥṣyandaḥ.4.2

भोक्तैव भोग्यभावेन सदा सर्वत्र संस्थितः

bhoktaiva bhogyabhāvena sadā sarvatra saṃsthitaḥ

Dvitīyo niḥṣyandaḥ.5

इति वा यस्य संवित्तिः क्रीडात्वेनाखिलं जगत्

iti vā yasya saṃvittiḥ krīḍātvenākhilaṃ jagat

Dvitīyo niḥṣyandaḥ.5.2

स पश्यन्सततं युक्तो जीवन्मुक्तो न संशयः

sa paśyansatataṃ yukto jīvanmukto na saṃśayaḥ

Dvitīyo niḥṣyandaḥ.6

अयमेवोदयस्तस्य ध्येयस्य ध्यायिचेतसि

ayamevodayastasya dhyeyasya dhyāyicetasi

Dvitīyo niḥṣyandaḥ.6.2

तदात्मतासमापत्तिर् इच्छतः साधकस्य या

tadātmatāsamāpattir icchataḥ sādhakasya yā

Spandakārikā