3.1.4

यां श्रुत्वा पापकर्मापि गच्छेच् च परमां गतिम्

yāṃ śrutvā pāpakarmāpi gacchec ca paramāṃ gatim

3.2

न नास्तिकाश्रद्दधाने शठे चापि कथंचन

na nāstikāśraddadhāne śaṭhe cāpi kathaṃcana

3.2.2

इमां कथामनुब्रूयात्तथा चासूयके नरे

imāṃ kathāmanubrūyāttathā cāsūyake nare

3.3

इदं पुत्राय शिष्याय धार्मिकायानसूयवे

idaṃ putrāya śiṣyāya dhārmikāyānasūyave

3.3.2

कथनीयं महाब्रह्मन्देवभक्ताय वा भवेत्

kathanīyaṃ mahābrahmandevabhaktāya vā bhavet

3.3.3

कुमारभक्ताय तथा श्रद्दधानाय चैव हि

kumārabhaktāya tathā śraddadhānāya caiva hi

3.4

पुरा ब्रह्मा प्रजाध्यक्षः अण्डे ऽस्मिन्सम्प्रसूयते

purā brahmā prajādhyakṣaḥ aṇḍe 'sminsamprasūyate

3.4.2

सो ऽज्ञानात्पितरं ब्रह्मा न वेद तमसावृतः

so 'jñānātpitaraṃ brahmā na veda tamasāvṛtaḥ

3.5

अहमेक इति ज्ञात्वा सर्वा

ahameka iti jñātvā sarvā

3.5.2

न चापश्यत तत्रान्यं तपोयोगबलान्वितः

na cāpaśyata tatrānyaṃ tapoyogabalānvitaḥ

3.6

पुत्र पुत्रेति चाप्युक्तो ब्रह्मा शर्वेण धीमता

putra putreti cāpyukto brahmā śarveṇa dhīmatā

3.6.2

प्रणतः प्राञ्जलिर्भूत्वा तमेव शरणं गतः

praṇataḥ prāñjalirbhūtvā tameva śaraṇaṃ gataḥ

3.7

स दत्त्वा ब्रह्मणे शम्भुः स्रष्टृत्वं ज्ञानसंहितम्

sa dattvā brahmaṇe śambhuḥ sraṣṭṛtvaṃ jñānasaṃhitam

3.7.2

विभुत्वं चैव लोकानामन्तर्धे परमेश्वरः

vibhutvaṃ caiva lokānāmantardhe parameśvaraḥ

3.8

तदेषोपनिषत्प्रोक्ता मया व्यास सनातना

tadeṣopaniṣatproktā mayā vyāsa sanātanā

3.8.2

यां श्रुत्वा योगिनो ध्यानात्प्रपद्यन्ते महेश्वरम्

yāṃ śrutvā yogino dhyānātprapadyante maheśvaram

3.9

ब्रह्मं च यो विदधे पुत्रमग्रे ज्ञानं च यः प्रहिणोति स्म तस्मै

brahmaṃ ca yo vidadhe putramagre jñānaṃ ca yaḥ prahiṇoti sma tasmai

3.9.2

तमात्मस्थं ये ऽनुपश्यन्ति धीरास्तेषां शान्तिः शाश्वती नेतरेषाम्

tamātmasthaṃ ye 'nupaśyanti dhīrāsteṣāṃ śāntiḥ śāśvatī netareṣām

3.10

स व्यास पितरं दृष्ट्वा स्वदीप्त्या परया युतम्

sa vyāsa pitaraṃ dṛṣṭvā svadīptyā parayā yutam

3.10.2

पुत्रकामः प्रजाहेतोस्तपस्तीव्रं चकार ह

putrakāmaḥ prajāhetostapastīvraṃ cakāra ha

Skandapurāṇa