4.30.2

मार्तण्डकोटिप्रतिमेन पश्चात् सुदर्शनेनाद्भुतचण्डतेजाः

mārtaṇḍakoṭipratimena paścāt sudarśanenādbhutacaṇḍatejāḥ

4.31

हिरण्यनेत्रस्य शिरो ज्वलन्तं चिछेद दैत्यांश्च ददाह दुष्टान्

hiraṇyanetrasya śiro jvalantaṃ cicheda daityāṃśca dadāha duṣṭān

4.31.2

ततः प्रहृष्टो दितिजेन्द्रराज्ये तमन्धकं तत्र स चाभ्यषिञ्चत्

tataḥ prahṛṣṭo ditijendrarājye tamandhakaṃ tatra sa cābhyaṣiñcat

4.32

स्वस्थानम् आसाद्य ततो धरित्रीं दंष्ट्राङ्कुरेणादधरत् प्रहृष्टः

svasthānam āsādya tato dharitrīṃ daṃṣṭrāṅkureṇādadharat prahṛṣṭaḥ

4.32.2

भूमिं च पातालतलान्महात्मा पुपोष भागं त्वथ पूर्वकं तु

bhūmiṃ ca pātālatalānmahātmā pupoṣa bhāgaṃ tvatha pūrvakaṃ tu

4.33

प्रताप्य लोकानखिलांस्ततोऽसौ समागतः पद्मयोनिं ददर्श

pratāpya lokānakhilāṃstato'sau samāgataḥ padmayoniṃ dadarśa

4.33.2

वरं प्रदातुं प्रवदन्तमेव वरं वृणीष्वेति स मूढबुद्धिः

varaṃ pradātuṃ pravadantameva varaṃ vṛṇīṣveti sa mūḍhabuddhiḥ

4.34

मृत्योर् भयं मे भगवन् सदैव पितामहाभून्न कदाचिदेवम्

mṛtyor bhayaṃ me bhagavan sadaiva pitāmahābhūnna kadācidevam

4.34.2

शस्त्रास्त्रपाशाशनिशुष्कवृक्षगिरीन्द्रतोयाग्निरिपुप्रहारैः

śastrāstrapāśāśaniśuṣkavṛkṣagirīndratoyāgniripuprahāraiḥ

4.35

स्वर्गे धरण्यां दिवसे निशायां दैवाहतः प्राह न सोऽपि सन्धौ

svarge dharaṇyāṃ divase niśāyāṃ daivāhataḥ prāha na so'pi sandhau

4.35.2

तस्यैतदीदृग्वचनं निशम्य दैत्येन्द्र तुष्टोऽस्मि लभस्व सर्वम्

tasyaitadīdṛgvacanaṃ niśamya daityendra tuṣṭo'smi labhasva sarvam

4.36

प्रणम्य विष्णुं मनसा तमाह भयान्वितोऽसावपि पद्मयोनिः

praṇamya viṣṇuṃ manasā tamāha bhayānvito'sāvapi padmayoniḥ

4.36.2

ततः स दैत्यः परिपूर्णकामस्त्वम् अष्टकोट्यस्त्वथ षण्णवत्यः

tataḥ sa daityaḥ paripūrṇakāmastvam aṣṭakoṭyastvatha ṣaṇṇavatyaḥ

4.37

उत्तिष्ठ राज्यं कुरु दानवानां श्रुत्वा गिरं तां स सुखी बभूव

uttiṣṭha rājyaṃ kuru dānavānāṃ śrutvā giraṃ tāṃ sa sukhī babhūva

4.37.2

राज्येऽभिषिक्तः प्रपितामहेन त्रैलोक्यनाशाय मतिं चकार

rājye'bhiṣiktaḥ prapitāmahena trailokyanāśāya matiṃ cakāra

4.38

उत्साद्य धर्म्मान् सकलान् प्रमत्तो जित्वाहवे सोऽपि सुरान् समस्तान्

utsādya dharmmān sakalān pramatto jitvāhave so'pi surān samastān

4.38.2

ततो भयाद् इन्द्रमुखाश्च देवाः क्षीरोदधौ यत्र हरिस्तु शेते

tato bhayād indramukhāśca devāḥ kṣīrodadhau yatra haristu śete

4.39

आराधयामासुर् अतीव गत्वा ततस्तु हृष्टः प्रददौ वरांस्तु

ārādhayāmāsur atīva gatvā tatastu hṛṣṭaḥ pradadau varāṃstu

4.39.2

उत्थाय तस्माच्छयनाद् उपेन्द्रो यथानुरूपैर् विविधैर् वचोभिः

utthāya tasmācchayanād upendro yathānurūpair vividhair vacobhiḥ

4.40

आश्वास्य देवानखिलान् मुनीन्द्रा रवीन्दुवैश्वानरतुल्यतेजाः

āśvāsya devānakhilān munīndrā ravīnduvaiśvānaratulyatejāḥ

Śivapurāṇa